নিয়মীয়া বাৰ্তা, ১৯ এপ্ৰিল : কামৰূপ আৰু ৰঙিয়া আৰক্ষীয়ে এক আভিযান চলাই নামনিমুৱা লোকমান্য তিলক এক্সপ্ৰেছৰ পৰা এজন যুৱকক আটক কৰাৰ লগতে হেৰ’ইন জব্দ কৰিবলৈ সক্ষম হয়। আটকাধীন যুৱকজন হৈছে বৰপেটাৰোডৰ জয়পুৰ জয়চাটি গাঁৱৰ চুমেদ আলী। এএছপি কল্যাণ পাঠক আৰু ৰঙিয়া থানাৰ ভাৰপ্ৰাপ্ত আৰক্ষী বিষয়া ভাস্কৰ মল্ল পাটোৱাৰীৰ নেতৃত্বত আৰক্ষীৰ দল এটাই ৰঙিয়া ষ্টেচনত ডিমাপুৰৰ পৰা অহা যাত্ৰীবাহী ৰেলগাড়ীখনত তালাচী চলায়। তালাচীৰ সময়ত ধৃত যুৱক জনে জেকটৰ ভিতৰত লৈ অহা তিনি পেকেট হেৰ’ইন সহ কেইবাটাও চাবোনৰ বাকচ উদ্ধাৰ কৰিবলৈ সক্ষম হয়। আৰক্ষীয়ে জানিবলৈ দিয়ামতে হেৰ’ইন খিনিৰ ওজন ৪০ গ্ৰাম। আৰক্ষীয়ে ধৃত যুৱকজনক সোধাপোচা অব্যহত ৰাখিছে।
প্ৰেৰক ফাৰুক হুছেইন