বকোৰ ৰাজপথত একেনিশাই দুটা পৃথক পথ দুৰ্ঘটনাত নিহত চাৰিজন; আহত চাৰিজনক সংকটজনক অৱস্থাত GMCH লৈ প্ৰেৰণ
নিয়মীয়া বাৰ্তা;৭ মে::-শনিবাৰে নিশা শনি লাগিল কামৰূপৰ বকোৰ ৰাজ পথত।বকোত শনিবাৰে পুৱতি নিশা পৃথক পৃথককৈ দুটা ভয়ংকৰ পথ দুৰ্ঘটনাত থিতাতে নিহত হয় চাৰিজনৈ লোক।প্ৰথমটো দুৰ্ঘটনা সংঘটিত হয় বকোৰ চকাবাহাত।চকাবাহাৰ দুৰ্ঘটনাত অচিনাক্ত বাহনৰ খুন্দাত ঠিতাতে নিহত এজন আৰু গুৰুতৰ ভাৱে দুজন লোক আহত হয়।নিহত লোকজন হʼল বকোৰ মৌমানৰ দয়াল ৰাভা ৷আহত লোক দুজন হʼল কৃষ্ণ কান্ত ৰাভা আৰু ৰিটাৰ্ন ৰাভা।ঘটনাস্থলীত বকো আৰক্ষী উপস্থিত হৈ আহত লোক দুজনক সংকত জনক অৱস্থাত গুৱাহাটী চিকিৎসা মহাবিদ্যালয়লৈ প্ৰেৰণ কৰে।আনহাতে দ্বিতীয় দুৰ্ঘটনাটো সংঘটিত হয় বকোৰ শিংৰাত।বৰযাত্ৰী এল্টʼ গাড়ীয়ে নিয়ন্ত্ৰণ হেৰুৱাই প্ৰচণ্ড জোৰে গছত খুন্দা মাৰে ৷থিতাতে নিহত তিনি জনকৈ লোক।নিহত তিনিজন হৈছে ৰূপেশ চৌধুৰী ভাস্কৰ ঠাকুৰীয়া আৰু মানস পাঠক।নিহত তিনিজনৰে ঘৰ বকোৰ নগৰবেৰাত বুলি জানিব পৰা গৈছে।ঘটনাত আহত দুজনক সংকতজনক অৱস্থাত গুৱাহাটী চিকিৎসা মহাবিদ্যালয়লৈ প্ৰেৰন কৰে।খবৰ অনুসৰি নগৰবেৰাৰ পৰা বকোলৈ আহিছিল বৰ যাত্ৰীৰ বাহন খন।বকোৰ পৰা ওভতাৰ পথত সংঘটিত হয় ভয়াৱহ দুৰ্ঘটনাটো৷দুৰ্ঘটনা সংঘটিত হোৱা এল্টোʼ বাহনখনৰ নম্বৰটো AS01 EE 6267।
প্ৰেৰক- ছমৰীয়া সত্ৰৰ পৰা প্ৰীতম বায়ন