নিয়মীয়া বাৰ্তা, ১৫ মে : মৰিগাঁৱৰ লাহৰীঘাটৰ টেঙাগুৰিত আজি পুৱা সংঘটিত হয় এক ভয়ংকৰ অগ্নিকাণ্ড। এই অগ্নিকাণ্ডত গাঁওখনৰ নাজিম উদ্দিন নামৰ লোকজনৰ গৃহত জুই লাগে। জুইৰ লেলিহান শিখাই মূহুৰ্ততেই নাজিম উদ্দিনৰ দুটাকৈ বাসগৃহ সম্পূৰ্ণ ৰূপে ভস্মীভূত হয়। স্থানীয় ৰাইজ আৰু অগ্নিনিৰ্বাপক বাহিনীয়ে জুই নুমুৱাইবলৈ সক্ষম হয় আৰু অধিক ক্ষয়ক্ষতিৰ পৰা ৰক্ষা পৰে। এই অগ্নিকাণ্ডত লক্ষাধিক টকাৰ সা-সম্পত্তি ভস্মীভূত হয়। অৱশ্যে অগ্নিকাণ্ডৰ কাৰণ এই পৰ্যন্ত জানিব পৰা নাই।
প্ৰেৰক আবুল কালাম