নিয়মীয়া বাৰ্তা, ৩০ জুনঃ জোনাইত পুৱতি নিশা হঠাৎ অহা প্ৰচণ্ড ধুমুহাই ভাঙি তচনচ কৰে এখন চৰকাৰী বিদ্যালয়। জানিব পৰা মতে, পুৱতি নিশা হঠাৎ অহা প্ৰচণ্ড ধুমুহাত এজোপা প্ৰকাণ্ড গছ উভালি পৰাত জোনাইৰ ২নং চিৰাম পুৰীয়া প্ৰাথমিক বিদ্যালয়খন ভাঙি সম্পূৰ্ণৰূপে তচনচ হয়। বিদ্যালয়খনৰ ভিতৰত থকা প্ৰয়োজনীয় নথি-পত্ৰ সম্পূৰ্ণৰূপে নষ্ট হোৱাৰ লগতে ভাঙি যায় কেইবাখনো ডেস্ক-বেঞ্চ। ফলত বিদ্যালয়খনৰ কণ কণ শিক্ষাৰ্থীসকলৰ পাঠদান এতিয়া বন্ধ হৈ পৰা পৰিলক্ষিত হৈছে। গতিকে জোনাই মহকুমা প্ৰশাসনৰ লগতে বিভাগীয় কৰ্তৃপক্ষই শীঘ্ৰে পৰিদৰ্শন কৰি বিদ্যালয়খন মেৰামতি কৰি পুনৰ পাঠদান আৰম্ভ কৰিব পৰাকৈ ব্যৱস্থা গ্ৰহণ কৰিবলৈ আহ্বান জনাইছে স্থানীয় ৰাইজে।
প্ৰেৰক কৰবী দলে