বাৰ্তা বুৰো, ২ ছেপ্টেম্বৰ : চাইবাৰ অপৰাধৰ বিৰুদ্ধে কেইবাটাও সফল অভিযান চলাই পঞ্চাশটাৰো অধিক চাইবাৰ অপৰাধীক গ্ৰেপ্তাৰ কৰিবলৈ সক্ষম হোৱা মৰিগাঁও আৰক্ষীৰ অপৰাধ শাখাৰ অতিৰিক্ত আৰক্ষী অধীক্ষক সমীৰণ বৈশ্যক মুখ্যমন্ত্ৰীৰ বিশেষ দক্ষতাপূৰ্ণ সেৱা বঁটা লাভ কৰা বাবে আজি অসম আৰক্ষীৰ মুখ্য কাৰ্যালয়ত পুৰস্কাৰ লাভ কৰা অন্যান্য আৰক্ষীসকলৰ সৈতে সম্বৰ্ধনা জনায় আৰক্ষী সঞ্চালকপ্ৰধান জ্ঞানেন্দ্ৰ প্ৰতাপ সিঙে। উল্লেখযোগ্য যে মৰিগাঁও জিলাত চাইবাৰ অপৰাধৰ বিৰুদ্ধে কঠোৰ ভূমিকা লোৱা অতিৰিক্ত আৰক্ষী অধীক্ষক সমীৰণ বৈশ্যই 6241খন ভুৱা ছিম কাৰ্ড আৰু 1400খন এটিএম জব্দ কৰাৰ লগতে 50ৰো অধিক অপৰাধীক গ্ৰেপ্তাৰ কৰিবলৈ সক্ষম হৈছে।