নিয়মীয়া বাৰ্তা, ২ ছেপ্টেম্বৰ : আজি যোৰহাট জিলাৰ অন্যতম স্বেচ্ছাসেৱী সংগঠন ‘পৰিৱৰ্তন’ৰ সভাপতি ঈশ্বৰ প্ৰসন্ন বৰদলৈ সহিতে এটি সঁজাতী দলে গণশিল্পী মঘাই ওজাৰ পালি তথা টীয়কৰ নিৱাসী বলাই ওজাৰ শাৰীৰিক অসুস্থতাৰ বুজ লয় আৰু এখন মানপত্ৰ, ফুলাম গামোচা আৰু চেলেং চাদৰেৰে সম্বৰ্ধনা জনােৱাৰ লগতে কিছু পৰিমাণে আৰ্থিক সাহায্য আগবঢ়ায়। উক্ত কাৰ্য্যসূচীত পৰিৱৰ্তনৰ সভাপতি ঈশ্বৰ প্ৰসন্ন বৰদলৈৰ লগতে উপস্থিত থাকে সম্পাদক অৰিন্দম হাতীবৰুৱাসহ সদস্য ক্ৰমে অনিৰুদ্ধ কাশ্যপ, ৰিজু চাংকাকতি, অবিনাশ জিতু গগৈ আৰু বিনব নেওগ। উল্লেখ্য যে এই স্বেচ্ছাসেৱী সংগঠনটোৰ সভাপতিগৰাকীয়ে ইয়াৰ আগতেও টীয়ক সমষ্টিৰ বহুকেইগৰাকী লোকক সহায়-সহযোগিতা আগবঢ়াইছে।
প্ৰেৰক দিলীপ দত্ত