নিয়মীয়া বাৰ্তা, ১৪ অক্টোবৰ : বকোস্থিত অসম গণ পৰিষদৰ মুখ্য কাৰ্যালয়ত আজি অগপৰ ৩৯ সংখ্যক প্ৰতিষ্ঠা দিৱসটি দিনজোৰা বিভিন্ন কাৰ্যসূচীৰে পালন কৰা হয়। দলৰ প্ৰতিষ্ঠা দিৱসৰ লগত সংগতি ৰাখি কাৰ্যালয় প্ৰাঙ্গনত প্ৰথমে দলীয় পতাকা উত্তোলন কৰে অগপৰ বকো-ছয়গাওঁ বিধানসভা সমষ্টি সমিতিৰ সভাপতি গোলাপ মেধি। ইয়াৰ পিছতে অসম আন্দোলনৰ স্বহীদক সোৱঁৰি শ্বহীদ তৰ্পন কাৰ্যসূচী অনুষ্ঠিত হয়।শ্বহীদ তৰ্পন কাৰ্যসূচীত শ্বহীদ বেদীত শ্বহীদ তৰ্পন কৰে স্বহীদ মঞ্জু মহন্তৰ ভতিজী তথা সদৌ কামৰূপ জিলা জাতীয় স্বহীদ সমন্বয়ৰক্ষী সমিতিৰ সম্পাদিকা দুলুমনি মহন্তই।এই কাৰ্যসূচীত উপস্থিত থাকে স্বহীদ গংগা কলিতাৰ ভাতৃ নকুল কলিতা,শ্বহীদ বতু কলিতাৰ পুত্ৰ মোহন কলিতাৰ লগতে অসমৰ ছয় বছৰীয়া বিদেশী বহিস্কাৰ আন্দোলনৰ নিৰ্যাতিত বকো-ছয়গাওঁ অঞ্চলৰ বহুকেইজন ব্যক্তি উপস্থিত থাকে।স্বহীদ তৰ্পন কাৰ্যসূচীৰ পিছতে কাৰ্যালয় প্ৰাঙ্গনত এখনি সতীৰ্থ সোঁৱৰণি শীৰ্ষক এখনি মুকলি সভা অনুষ্ঠিত হয়।অসম গণ পৰিষদৰ কেন্দ্ৰীয় সমিতিৰ সম্পাদক তথা বকো বিধানসভা সমষ্টিৰ অগপৰ প্ৰাক্তন বিধায়ক জ্যোতিপ্ৰসাদ দাস দেৱৰ সঞ্চালনাত অনুষ্ঠিত হোৱা সতীৰ্থ সোৱৰণি আৰু মুকলি সভাখনত সভাপতিত্ব কৰে বকো-ছয়গাওঁ বিধানসভা সমষ্টি সমিতিৰ সভাপতি গোলাপ মেধি, বকো-ছয়গাওঁ বিধানসভা সমষ্টি সমিতিৰ তিনিগৰাকী সাধাৰণ সম্পাদক ক্ৰমে ৰজিত বড়ো,ঘনশ্যাম কলিতা,ৰঞ্জিত দলৈ,কেন্দ্ৰীয় কাৰ্যনিৰ্বাহক সদস্য পৰানজ্যোতি দাস,ৰাভা হাছং স্বায়ত্ব শাসিত পৰিষদৰ প্ৰাক্তন কাৰ্যবাহী পাৰিষদ কৰ্ণভূষন ৰাভা,বিভিন্ন ব্লক সমিতি আৰু আঞ্চলিক সমিতিৰ বিষয়ববীয়াৰ লগতে অগপৰ প্ৰায় শতাধিক কৰ্মী উপস্থিত থাকে।সভাত বিষয়ববীয়া সকলে অসম গন পৰিষদ দলৰ জন্ম আৰু অসম গন পৰিষদৰ নেতাসকলে জন্মলগ্নৰে পৰা কিমান ঘাট প্ৰতিঘাট নেওচি দল কৰি আছে তৃনমূল কৰ্মীসকলক বুজায়। উল্লেখ্য যে আবেলি এক বন্তি প্ৰজ্বলন কাৰ্যসূচীৰে প্ৰতিষ্ঠা দিৱসৰ কাৰ্যসূচীৰ সামৰনি পৰিব। বন্তি প্ৰজ্বলন কৰিব কামৰূপ জিলা পৰিষদৰ কাৰ্যনিৰ্বাহক সদস্য পৱিত্ৰ ৰাভাই।
প্ৰেৰক প্ৰীতম বায়ন