বিশেষ বাৰ্তা, ১৮ অক্টোবৰঃ ৰাজ্যিক কৃষক মৰ্চাৰ উপ সভাপতি ৰঞ্জিত ভট্টাচাৰ্যই আজি কাতি বিহু উপলক্ষে কামৰূপৰ পাকোৰকণাত সেউজীয়া ধাননিত আকাশবন্তি প্ৰজ্বলন কৰি আই লখিমীৰ ওচৰত সকলো ৰাইজৰ সৈতে আশীষ লয়l তেওঁ সকলোকে কৃষি কাৰ্যত মনোনিৱেশ কৰি দেশ ৰাজ্যৰ অৰ্থনীতি সৱল কৰিবলৈ আহ্বান জনায় ৷ বিশেষকৈ যুৱকসকল পঢ়া শুনাৰ লগতে পথাৰত সময় দিবলৈ তেওঁ আহ্বান জনায় ৷ আই লখিমীয়ে পথাৰ সোণালী কৰাৰ সময়ত সকলো কৃষক আৰু এই কাৰ্যত জড়িতসকলক অধিক উৎসাহিত কৰি তোলে ৷ কৃষি কাৰ্যত নিবিড়ভাবে জড়িত হলে মানুহৰ দেহ মনো সৱল হৈ থাকে ৷ তেওঁ অসমক দেশৰ ভিতৰতে কৃষিত সৰ্বশ্ৰেষ্ঠ ৰাজ্য হিচাবে গঢ়ি তুলিবলৈ অসমবাসীক আহ্বান জনায় ৷ খেতিপথাৰত নামক আৰু সকলোবে হাতে কামে লাগক- এই আহ্বান কৃষক নেতাগৰাকীৰ ৷
প্ৰেৰক দিলীপ মেধি