নিয়মীয়া বাৰ্তা, ৩ নৱেম্বৰ : ভাৰত স্কাউট এণ্ড গাইডৰ অসম শাখাৰ উদ্যোগত স্কাউট এণ্ড গাইডৰ ঢকুৱাখনা জিলা শাখাৰ সহযোগত নৰ্মাল স্কুল, ঢকুৱাখনাৰ চৌহদত চলি থকা গাইড শিক্ষক কেপ্টেইনসকলৰ ৬ দিনীয়া প্ৰাথমিক প্ৰশিক্ষণ শিবিৰৰ আজি সামৰণি পৰে। আজি সামৰণী অনুষ্ঠানৰ পুৱাই স্কাউট এণ্ড গাইডৰ নীতি অনুসৰি চন্দগীত, প্ৰতীজ্ঞা কাৰ্যসূচীৰ পিছতে প্ৰশিক্ষণ সমাপ্ত কৰা গাইড কেপ্টেইন, স্কাউট মাষ্টাৰসকলক বেডজ আৰু স্কাৰ্ফ প্ৰদান কৰা হয়।এই প্ৰশিক্ষণ কাৰ্যসূচীত উপস্থিত থাকি ভাৰত স্কাউট এণ্ড গাইডৰ অসম ৰাজ্যিক শাখাৰ এল অ’চি অজিত প্ৰসাদ, নিৰলা ৰাজবংশী, অৱসৰপ্ৰাপ্ত প্ৰশিক্ষণ সঞ্চালক কুমুদ শৰ্মা, প্ৰশিক্ষক স্বৰ্ণলতা বৰা, নৰ পাটৰ, স্বৰ্ণলতা ভূঞা, জিলা সংগঠক কিৰণ চমুৱা, কোৱাটাৰ মাষ্টাৰ প্ৰদীপ বুঢ়াগোহাঁই, গোলাপ দাস আদিয়ে প্ৰশিক্ষণ প্ৰদান কৰে।
প্ৰেৰক ৰাজেশ বুঢ়াগোহাঞি