নিয়মীয়া বাৰ্তা, ৬ ডিচেম্বৰঃ লাওখোৱাৰ টুবুকিজাৰণিত আজি বিজেপিৰ এখনি কাৰ্যকৰ্তা সভা অনুষ্ঠিত হৈ যায়। বিজেপিৰ কলিয়াবৰ জিলাৰ নৱনিযুক্ত সভাপতি বাবুল বৰা আৰু লাওখোৱা মণ্ডলৰ নৱনিযুক্ত সভাপতি গংগা চৰণ মণ্ডলৰ উপস্থিতিত অনুষ্ঠিত হয় এই সভাখন। দলীয় কাৰ্যকৰ্তাৰ মাজত লাওখোৱা মণ্ডলৰ অন্তৰ্গত টুবুকিজাৰণিত এক মত বিনিময় সভা অনুষ্ঠিত হৈ যায়। উক্ত সভাত আগন্তুক লোকসভা নিৰ্বাচনক লৈ বিজেপি দলৰ কৰ্মকৰ্তাসকল যথেষ্ঠ তৎপৰ হোৱা পৰিলক্ষিত হৈছে। সাংগঠনিক দিশত আৰু অধিক শক্তিশালী কৰাৰ উদ্দেশ্যে উক্ত সভাখন অনুষ্ঠিত কৰে। ইতিমধ্যে চাৰি ৰাজ্যৰ নিৰ্বাচনত তিনিখন ৰাজ্যত বিজেপিৰ বিজয়ৰ পিছতেই আৰু অধিক শক্তিশালী ৰূপত আগবঢ়িবলৈ প্ৰয়াস কৰিছে। বিজেপিৰ সাংগঠনিক দিশটো কেনেকৈ শক্তিশালী কৰিব পৰা যায় তাৰ বাবেই কৰ্মকৰ্তাসকল যথেষ্ঠ তৎপৰ হোৱা পৰিলক্ষিত হয় ৷
প্ৰেৰক জহিৰুল ইছলাম