বিশেষ বাৰ্তা, ১২ ডিচেম্বৰঃ যোৰহাটত এটাৰ পিছত আন এটা অপৰাধমূলক কাৰ্য্যকলাপ সংঘটিত হোৱা ঘটনাই উদ্বিগ্ন কৰিছে নগৰবাসীক। যোৱা ৯ ডিচেম্বৰত সংঘটিত এক ঘটনাক কেন্দ্ৰ কৰি আজি যোৰহাটৰ কেন্দুগুৰিৰ এখন ব্যৱসায়ি প্ৰতিষ্ঠানত গুণ্ডাগিৰিৰে পিতা-পুত্ৰক আক্ৰমণ কৰা ঘটনাই প্ৰতিক্ৰিয়াৰ সৃষ্টি কৰিছে। জানিব পৰা মতে,কেন্দুগুৰি অঞ্চলৰ বৰা ষ্টোৰ নামৰ ব্যৱসায়িক প্ৰতিষ্ঠানত ব্ৰহ্মপুত্ৰ হোটেলৰ স্বত্বাধিকাৰী মন্টু দত্ত প্ৰৱেশ কৰি পিতা-পুত্ৰ ক্ৰমে প্ৰভাত চন্দ্ৰ বৰা আৰু অভিনৱ বৰাক মাৰপিট কৰে। এই ঘটনাৰ পিছত পিতা-পুত্ৰই ভোগদৈ আৰক্ষী চকীত অভিযোগ দাখিল কৰিছে।
প্ৰেৰক ৰঞ্জিত ভূঞা