বিশেষ বাৰ্তা, ১২ ডিচেম্বৰঃ নলবাৰী জিলাৰ বেলশৰ থানাৰ অন্তৰ্গত বেলশৰৰ বৰাখাট-ভয়ৰাত আজি সন্ধিয়া দ খাৱৈত পৰিল এখন বাহন। পথ দুৰ্ঘটনাটো ইমানেই ভয়াৱহ আছিল যে পানীভৰ্তি খালত বাহনখন পৰাৰ পিছতেই বাহনখনৰ সন্মুখৰ অংশ সম্পূৰ্ণৰূপে বিধ্বস্ত হৈ পৰে। ঘটনাৰ সূত্ৰে জানিব পৰা মতে, আজি সন্ধিয়া ৮ মান বজাত বিহামপুৰ ৰামপুৰ পথৰ ভকতৰ পুখুৰী পাৰৰ দিশৰ পৰা আহি থকা এ এছ ০১ এফ পি ২৮০২ নম্বৰৰ বগা ৰঙৰ মাৰুতি এছপ্ৰেছো বাহনখনে নিয়ন্ত্ৰন হেৰুৱাই পথৰ কাষৰ দ খাৱৈত পৰি যায়। ফলত বিধ্বস্ত হৈ পৰা বাহনখনৰ পৰা আন্ধাৰৰ সুযোগ লৈ পলায়ন কৰে চালকসহ আৰোহী। দুৰ্ঘটনাটোৰ পিছতেই বেলশৰ থানা আৰু বেলশৰ শিঙিমাৰা আৰক্ষী চকীৰ আৰক্ষীৰ দল ঘটনাস্থলীত উপস্থিত হৈ দুৰ্ঘটনাত পতিত বাহনখন খাৱৈৰ পৰা উঠাই ওচৰৰে আৰক্ষী চকীলৈ নিয়ে।
প্ৰেৰক অৰূপ ৰঞ্জন বৰ্মন