অসম আৰক্ষীত খালী হৈছে কনিষ্টবল, ছাব অফিচাৰ, ফায়াৰমেন এণ্ড ইমার্জেন্সী ৰেছকিউৱাৰৰ মুঠ ১,২৮৩টা পদ৷ পদসমূহ আছাম পুলিচ ৰেডি’ অর্গেনাইজেচন, ফায়াৰ এণ্ড ইমার্জেন্সী ছার্ভিচেজ বিভাগত পূৰণ কৰা হ’ব৷ এই বিষয়ে ইতিমধ্যে গুৱাহাটীৰ ৰিহাবাৰীস্থিত ৰাজ্যিক আৰক্ষী নিযুক্তি ব’ডৰ অধ্যক্ষই এক নিয়োগ বিজ্ঞাপন প্রকাশ কৰিছে৷ প্রকাশিত বিজ্ঞাপনৰ তথ্য অনুসৰি অসম পুলিচ ৰেডি’ অর্গেনাইজেচনত পূৰণ হ’বলগীয়া পদসমূহৰ ভিতৰত আছে– কনিষ্টবল–কমিউনিক্ (৮০২), কনিষ্টবল–ইউবি (৩), কনিষ্টবল–মেছেঞ্জাৰ্ (৭) আৰু কনিষ্টবল–কার্পেণ্টা (১)৷ আনহাতে ফায়াৰ এণ্ড ইমার্জেন্সী ছার্ভিচেজত পূৰণ হ’বলগীয়া পদসমূহৰ ভিতৰত আছে– ছাব অফিচাৰ (৩), ফায়াৰমেন (৪১০) আৰু ইমার্জেন্সী ৰেছকিউৱাৰ (৫৭)৷ কনিষ্টবল–কমিউনিক্ পদৰ বাবে প্রার্থী বিজ্ঞান শাখাত দ্বাদশ শ্রেণী উত্তীর্ণ হোৱা হ’ব লাগিব৷ ইলেক্ট্রনিক্স/টেলিকমিউনিকেচন/ কম্পিউটাৰ/আইটি খণ্ডত এবছৰীয়া কর্ম অভিজ্ঞতা থকা প্রার্থীয়ে নিযুক্তিৰ ক্ষেত্রত অগ্রাধিকাৰ লাভ কৰিব৷ ফায়াৰমেন পদৰ বাবে প্রার্থী বিজ্ঞান শাখাত দ্বাদশ শ্রেণী উত্তীর্ণ হোৱা হ’ব লাগিব৷ প্রার্থীৰ বয়স ১৮–২৫ বছৰৰ ভিতৰত হ’ব লাগিব৷ বয়সৰ ঊর্ধ্বসীমাত সংৰক্ষিত শ্রেণীৰ প্রার্থীয়ে বিধিগত ৰেহাই লাভ কৰিব৷ দৰমহাৰ নিৰিখ মাহে ১৪,০০০–৪৯,০০০ টকা৷ আগ্রহীসকলে নিযুক্তি সম্পর্কীয় সবিশেষ তথ্যৰ লগতে অনলাইনযোগে আবেদন দাখিল কৰিবলৈ ৱেবছাইট www.slprbassam.in ভিজিট কৰিব পাৰে৷ আবেদন দাখিলৰ অন্তিম দিন ১৫ মার্চ ২০২০৷