নিয়মীয়া বাৰ্তা ডিজিটেল, ৬ মাৰ্চঃ শেহতীয়াকৈ আইচিচিয়ে প্ৰকাশ কৰিছে টেষ্ট ৰেংকিং। ইয়াৰ দ্বাৰা টীম ইণ্ডিয়াৰ খেলুৱৈসকল যথেষ্ট লাভৱান হৈছে। যুৱ বেটছমেন যশস্বী জয়ছোৱালে প্ৰথমবাৰৰ বাবে শীৰ্ষ দহটা স্থানত স্থান লাভ কৰিছে। বিৰাট কোহলি আৰু ৰোহিত শৰ্মায়ো ৰেংকিঙত স্থান অৰ্জন কৰিছে। যশস্বী আৰু ৰোহিতে দুটাকৈ স্থান পিছুৱাইছে। শুভমান গিল আৰু ৰবীন্দ্ৰ জাডেজা নিজৰ ঠাইতে আছে। বলিং ৰেংকিঙত অৰ্জন কৰিছে যশপ্ৰীত বুমৰাহে। টেষ্ট ৰেংকিঙত ভাৰতীয় খেলুৱৈৰ তালিকাত শীৰ্ষস্থান দখল কৰিছে বিৰাট কোহলি। কোহলিয়ে ৮ নম্বৰত আছে। যশস্বী জয়ছোৱালে ১০ স্থান দখল কৰিছে। শেহতীয়াকৈ ইংলেণ্ডৰ বিৰুদ্ধে যশস্বীয়ে উজ্জ্বল প্ৰদৰ্শন আগবঢ়াইছিল। তেওঁ একেৰাহে দুটা দ্বিশতক অৰ্জন কৰিছিল। ১১ নম্বৰত আছে ভাৰতীয় অধিনায়ক ৰোহিত শৰ্মা। শুভমান গিল ৩১ নম্বৰত আৰু জাডেজা ৩৭ নম্বৰত আছে। টেষ্ট বলিং ৰেংকিঙত শীৰ্ষ স্থানত আছে টীম ইণ্ডিয়াৰ বেগী বলাৰ যশপ্ৰীত বুমৰাহ। আনহাতে ৰবিচন্দ্ৰন অশ্বিন দ্বিতীয় নম্বৰত আছে। বলিং ৰেংকিঙত এটা স্থান হেৰুৱাইছে ৰবীন্দ্ৰ জাডেজাই। ৭ নম্বৰত আহিছে।