নিয়মীয়া বাৰ্তা ডিজিটেল, ৬ মাৰ্চঃ ভাৰতৰে চলি থকা টেষ্ট শৃংখলাৰ অন্তিমখন টেষ্টৰ বাবে দল ঘোষণা কৰিছে ইংলেণ্ডে। দলটোৱে পৰিৱৰ্তন কৰিছে শীৰ্ষ-১১ত। মাৰ্ক উড পুনৰ আহিছে। ভাৰত আৰু ইংলেণ্ডৰ টেষ্ট শৃংখলাৰ পঞ্চম আৰু অন্তিমখন খেল কাইলৈৰ পৰা ধৰ্মশালাত অনুষ্ঠিত হ’ব। এই শৃংখলাত ৩-১ত আগবাঢ়ি আছে টীম ইণ্ডিয়াই। এতিয়া শেষৰখন খেল অনুষ্ঠিত হ’ব। বেন ষ্ট’কছৰ অধিনায়কত্বত থকা দল ইংলেণ্ডে খেলখনৰ পূৰ্বে চাপত আছে। আজি ইংলেণ্ডে দল ঘোষণা কৰে। দলটোৱে অলি ৰবিনছনক বিৰতি দিছে। তেওঁৰ ঠাইত ঘূৰি আহিছে মাৰ্ক উড। উডে এই শৃংখলাত এতিয়ালৈকে মাত্ৰ দুখন মেচহে খেলিছে। তেওঁ ৰাঁচী টেষ্টত নাছিল। উডে হায়দৰাবাদ আৰু ৰাজকোটত ভাৰতৰ বিৰুদ্ধে খেল খেলিছিল। ৰাজকোট টেষ্টৰ প্ৰথম ইনিংছত ৪টা উইকেট দখল কৰিছি। ভাৰতৰ বিৰুদ্ধে ধৰ্মশালা টেষ্টৰ বাবে ইংলেণ্ডৰ ঘোষিত দলটো- জেক ক্ৰ’লি, বেন ডাকেট, অলি পোপ, জো ৰুট, জনী বেয়াৰষ্ট’, বেন ষ্ট’কছ (অধিনায়ক), বেন ফ’কছ, টম হাৰ্টলী, মাৰ্ক উড, জেমছ এণ্ডাৰছন, শ্বোয়াইব বছিৰ।