লাহৰীঘাটত বিজেপি প্ৰাৰ্থী সুৰেশ বৰাৰ নিৰ্বাচনী প্ৰচাৰ
নিয়মীয়া বাৰ্তা, ৬ মাৰ্চ : প্ৰাৰ্থিত্ব লাভৰ পিছতেই নগাঁও লোক সভা সমষ্টিৰ বিজেপিৰ প্ৰাৰ্থী সুৰেশ বৰাই নিৰ্বাচনী প্ৰচাৰ চলাবলৈ সংখ্যালঘু অধ্যুষিত লাহৰীঘাট সমষ্টিত উপস্থিত হয়। আজি প্ৰাৰ্থী সুৰেশ বৰা উপস্থিত হোৱাৰ লগে লগে বিপুল আদৰণি জনায়। বিশাল বাইক ৰেলীৰে বিজেপিৰ প্ৰাৰ্থী সুৰেশ বৰাক আদৰি আনে। আজি লাহৰীঘাটত সুৰেশ বৰাই মাৰাথন নিৰ্বাচনী প্ৰচাৰ চলায়। নগাঁও লোকসভাৰ সমষ্টিৰ অন্তৰ্গত লাহৰীঘাট সমষ্টিত তিনিখনকৈ নিৰ্বাচনী সভাত অংশগ্ৰহণ কৰি প্ৰচাৰ চলায়। লাহৰীঘাট সমষ্টিৰ অন্তৰ্গত বৰডোবাটোপ, লাহৰীঘাট আৰু বৰছলাত নিৰ্বাচনী প্ৰচাৰ চলায় সুৰেশ বৰাই। লাহৰীঘাট সমষ্টিত আন দলতকৈ এটা ভোট হলেও বেছি পাব বুলি সুৰেশ বৰাই একপ্ৰকাৰ চেলেঞ্জ কৰে। আনহাতে তেওঁৰ জয় নিশ্চিত বুলি সংবাদ মাধ্যমৰ আগত প্ৰকাশ কৰে। তেওঁৰ মূল যুঁজ এ আই ইউ ডি এফৰ লগত হব। কংগ্ৰেছৰ কথাকৈ লাভ নাই বুলি কৈ নগাঁৱত কংগ্ৰেছে যাকেই প্ৰাৰ্থীত্ব নিদিয়ে পৰাজয় নিশ্চিত বুলি কয়। উন্নয়নৰ স্বাৰ্থত এইবাৰ ৰাইজে বিজেপিক ভোট দিব বুলি সুৰেশ বৰাই ভাষন প্ৰসংগত উল্লেখ কৰে। আজিৰ নিৰ্বাচনী প্ৰচাৰত সুৰেশ বৰাৰ লগত সংগ দিয়ে মৰিগাঁও জিলা বিজেপিৰ সভাপতি প্ৰবীণ মেধি, সাধাৰণ সম্পাদক নিৰ্মল কোঁৱৰ, তিৱা স্বায়ত্ত শাসিত পৰিষদৰ মুখ্য কাৰ্যবাহী সদস্য জীৱন কোঁৱৰ, নগাঁও লোকসভাৰ সংযোজক বিষ্ণু ভাগৱতী আৰু অগপৰ লাহৰীঘাট বিধান পৰিষদৰ সভাপতি গুলজাৰ হুছেইনৰ লগতে বহু বিজেপি আৰু অগপ কৰ্মীয়ে।
প্ৰেৰক আবুল কালাম