নিয়মীয়া বাৰ্তা, ৮ মাৰ্চঃ দক্ষিণ কামৰূপ জিলা আমছুৰ উদ্যোগত নগৰবেৰা আঞ্চলিক আমছুৰ সহযোগ আজি নগৰবেৰা পৰিদৰ্শন বঙলাত আমছু’ৰ এখনি সাধাৰণ সভা অনুষ্টিত হয়৷ উক্ত সভাত জিলা আমছুৰ সভাপতি আমিনুল ইছলাম আহমেদৰ তৎপৰতাত জামলাই চেনীমাৰা অঞ্চলৰ এগৰাকী বিশেষভাবে সক্ষম কিশোৰীক হুইল চেয়াৰ প্ৰদান কৰাৰ উপৰি পৰিয়ালবৰ্গক ফুলাম গামোচাৰে সম্বৰ্ধনা জনোৱা হয়। আমছু জিলা সভাপতি আমিনুল ইছলাম আহমেদ আৰু সাধাৰণ সম্পাদক ফুলজ উদ্দিন আহমেদে জনোৱা মতে, জিলাখনৰ বিভিন্ন গ্ৰামাঞ্চলত আজিও বহু দৰিদ্ৰ পৰিয়ালত বিশেষ ভাবে সক্ষম লোক আছে৷ যিয়ে চৰকাৰ তথা বিভাগীয়ভাবে কোনোধৰণৰ সা-সুবিধা নাপায় সেই লোকসকলক চিনাক্ত কৰি আমছুৰ ফালৰ পৰ্যায় ক্ৰমে হুইল চেয়াৰ বিতৰণ কৰা হব বুলি জানিবলৈ দিয়ে ৷ অনুষ্ঠানত আমছুৰ প্ৰাক্তন সাধাৰণ সম্পাদক আব্দুল বাৰিক, জিলা আমছুৰ উপ সভাপতি আব্দুল লতিফ মণ্ডল, সাধাৰণ সম্পাদক ফুলজ উদ্দিন আহমেদ, খেল সম্পাদক আব্দুল মান্নান, নগৰবেৰা আঞ্চলিকৰ সাধাৰণ সম্পাদক নুৰ আলম আদি লগতে আমছুৰ জিলা আৰু আঞ্চলিকৰ বিভিন্ন পৰ্যায়ৰ কৰ্মী-সদস্য কৰ্মী উপস্থিত থাকে৷
প্ৰেৰক সঞ্জীৱ কুমাৰ দাস