ৰঙানদী সমষ্টিত প্ৰদান বৰুৱাৰ হৈ মন্ত্ৰী জয়ন্ত মল্ল বৰুৱাৰ নিৰ্বাচনী প্ৰচাৰ

নিয়মীয়া বাৰ্তা, ৫ এপ্ৰিলঃ দেশৰ লোকসভা নিৰ্বাচনৰ প্ৰথম পৰ্যায়ৰ ভোটগ্ৰহনৰ দিন ওচৰ চাপি অহাৰ লগে লগে নিৰ্বাচনী গৰম বতাহ ববলৈ ধৰিছে৷ ১২নং লখিমপুৰ লোকসভা সমষ্টিৰ ভোটগ্ৰহনলৈ মাজত মাত্ৰ ১৩টা দিন বাকী থকা অৱস্থাত নিৰ্বাচনী বতাহ গৰম হৈ পৰিছে৷ আজি লখিমপুৰ লোকসভা সমষ্টিৰ অন্তৰ্গত অবিভক্ত নাওবৈচা সমষ্টিৰ বিভিন্ন ঠাইত মন্ত্ৰী জয়ন্ত মল্ল বৰুৱাই কেইবাখনো নিৰ্বাচনী সভাত অংশ গ্ৰহন কৰি বিশাল জনসভাক উদেশ্যি ভাষন প্ৰদান কৰে৷ নাওবৈচা বিধানসভা সমষ্টিৰ বাঁহগৰাত আজি আগবেলা মন্ত্ৰীগৰাকী এক বিশাল নিৰ্বাচনী সভাত অংশগ্ৰহন কৰি ৭৪নং ৰঙানদী সমষ্টিৰ মাজেৰে ফুলবাৰী আৰু মধ্য নাওবৈচাত অনুষ্ঠিত কৰা দুখন নিৰ্বাচনী সভাত অংশগ্ৰহন কৰিবলৈ গৈ থাকোতে পথতে ৰঙানদী সমষ্টিৰ হাজাৰ হাজাৰ জনতাই মন্ত্ৰীiৰাকীক বাটে বাটে কেইবাঠাইত বিপুল আদৰণি জনায়৷ মন্ত্ৰী গৰাকী বিহপুৰীয়াৰ সমীপৰ বাঁহগৰাত অনুষ্ঠিত নিৰ্বাচনী সভাৰ পৰা বিশাল মটৰ চাইকেল ৰেলীৰে লালুক ৰত্নপুৰ, পশ্চিমলালুক, গাভৰু টুনিজান, উত্তৰ লালুক হৈ ফুলবাৰীত অনুষ্ঠিত হোৱা নিৰ্বাচনী সভালৈ আদৰি নি থকা অৱস্থাত ৰঙানদী সমষ্টিৰ ৰত্নপুৰ, পশ্চিমলালুক, গাভৰু টুনিজান আদি ঠাইত হাজাৰ হাজাৰ ৰাইজে ফুল ছটিয়াই, গামোচা, চেলেং পিন্ধাই আদৰণি জনায়৷ জনতাই মন্ত্ৰী জয়ন্ত মল্ল বৰুৱাক নৱগঠিত ৰঙানদী সমষ্টিলৈ স্বাৰ্গতম জনোৱাৰ লগতে লালুক ৰত্নপুৰ নামঘৰৰ সমীপত বিহু, ঝুমুৰ আদি নৃত্যৰে মন্ত্ৰী গৰাকীক আদৰণি জনায়৷ একেদৰে নৱগঠিত সমষ্টিটোৰ পশ্চিম লালুক, গাভৰু টুনিজান আদি ঠাইতো মন্ত্ৰী গৰাকীক ৰাইজে উষ্ম আদৰণি জনায়৷ মন্ত্ৰীগৰাকীৰ সৈতে ৰঙানদী সমষ্টিৰ  বিজেপিৰ যুৱনেতা ঋষিৰাজ হাজৰিকা, লখিমপুৰ জিলা বিজেপিৰ সভাপতি ফনিধৰ বৰুৱাকে আদি কৰি বিজেপিৰ নেতা কৰ্মী উপস্থিত থাকে৷