নিয়মীয়া বাৰ্তা, ২৭ মে’ : পাৰ্বত্য জিলা ডিমা হাছাওত সংঘটিত হৈছে এক হৃদয়বিদাৰক ঘটনা। অইল ইণ্ডিয়া লিমিটেডে খান্দি থোৱা এটা পৰিত্যক্ত গাঁতত সোমাই এগৰাকী কিশোৰীয়ে কৰুণভাৱে মৃত্যুক সাবটি ল’বলগীয়া হোৱা ঘটনাই চাঞ্চল্য সৃষ্টি কৰিছে। প্ৰাপ্ত তথ্য অনুসৰি ডিমা হাছাও জিলাৰ লাংটিঙৰ গাংদাংক্ৰ গাঁৱৰ কিমবিলি জিডুং নামৰ পাঁচ বছৰীয়া কিশোৰীগৰাকী যোৱা দেওবাৰৰ পৰা নিৰুদ্দেশ হৈ আছিল। কিশোৰীৰ নিৰুদিষ্ট সন্দৰ্ভত পৰিয়ালটোৱে লাংটিং থানাত এখন এজাহাৰ দাখিল কৰে। পিছত লাংটিঙৰ সমীপত বিচাৰ-খোঁচাৰ কৰোঁতে অইল ইণ্ডিয়া লিমিটেডে খান্দি থোৱা এটা পৰিত্যক্ত গাঁতত কিশোৰীৰ মৃতদেহ উদ্ধাৰ কৰা হয়।
প্ৰেৰক হেমন্ত কুমাৰ নাথ