নিয়মীয়া বাৰ্তা, ২ আগষ্টঃ গুৱাহাটীত থকা জীয়েকৰ ঘৰৰ পৰা নগৰবেৰাৰ নাইটৰ-কল্যাপুৰৰ স্বগৃহলৈ গৈ থকা অৱস্থাত আদবাটৰ পৰাই হঠাৎ এগৰাকী বৃদ্ধা নিখোজ হোৱাৰ খবৰে অঞ্চলজুৰি চাঞ্চল্য বিয়পাইছে। নিৰুদ্দিষ্ট বয়স্কা মহিলাগৰাকী নাইটৰ-কল্যাপুৰ গাঁৱৰ জুলুমুন খাতুন (৬০)। জানিব পৰা মতে, গুৱাহাটীত থকা জীয়েকৰ ঘৰলৈ গৈছিল প্ৰায় বাৰ দিনৰ পূৰ্বে তাৰ পৰাই নিজগৃহলৈ ওভতাৰ পথত হঠাৎ ৰহস্যজনকভাৱে সন্ধানহীন হয় মহিলাগৰাকী। পৰিয়ালৰ লোকে বিভিন্ন ঠাইত বহু বিচাৰ-খোঁচাৰ কৰিও এইমুহূৰ্ত্তলৈ কোনো সন্ধান পোৱা নাই মহিলাগৰাকীৰ। পৰিয়ালৰ লোকে নগৰবেৰা থানাত কালি এই সন্দৰ্ভত লিখিতভাৱে জনায়। আৰক্ষীয়েও তদন্ত আৰম্ভ কৰিছে যদিও বিশেষ সফল হ’ব পৰা নাই। সদাশয় লোকে মহিলাগৰাকীৰ কিবা সম্ভেদ পালে নিকটৱৰ্তী আৰক্ষী অথবা পৰিয়ালটোৰ ৯৯৫৪০৮০৪৫৮/ ৬০০২৮১৭৫০৮ নম্বৰত যোগাযোগ কৰিবলৈ আহ্বান জনাইছে পৰিয়ালৰ লোকে।
প্ৰেৰক সঞ্জীৱ কুমাৰ দাস