নিয়মীয়া বাৰ্তা, ২ আগষ্টঃ পানীখাইতী আৰক্ষী চকীৰ অন্তৰ্গত বোন্দাত ছাদৰ পৰা পৰি এজন ব্যক্তিৰ অকাল মৃত্যু হৈছে। মৃত্যু হোৱা লোকজন কৰুণাকান্ত উজীৰ (৬৯)। ঘটনাৰ সূত্ৰ অনুসৰি পোৱা তথ্য মতে আজি পুৱা লোকজনে নিজৰে নৱনিৰ্মিত তৃতীয় মহলাৰ ছাদখন চাবলৈ গৈছিল। ছাদখনৰ চৌপাশত তেওঁ ঘূৰি পকি চাই থকা অৱস্থাত অসাৱধানবশতঃ পিছলি তললৈ সৰি পৰে। ততাতৈয়াকৈ পৰিয়ালৰ লোকে লোকজনক চিকিৎসালয়লৈ নিয়ে যদিও চিকিৎসকে মৃত ঘোষণা কৰে। লোকজনৰ এনে আকস্মিক মৃত্যুত অঞ্চলজুৰি শোকৰ ছাঁ পৰিছে।
প্ৰেৰক বিভাস দাস