নিয়মীয়া বাৰ্তা, ৮ আগষ্ট : নগৰবেৰাৰ দোকুছিত চাঞ্চল্যকৰ চুৰিকাণ্ড সংঘটিত হয়। দিন-দুপৰতে বন্ধ হোৱা এখন শিক্ষানুষ্ঠানত চোৰে চলালে লুটপাত | বৃহস্পতিবাৰে পুৱাৰ ভাগতে দীৰ্ঘদিনৰে পৰা বন্ধ হৈ থকা কস্তুৰিবা বালিকা বিদ্যালয়ত দুই চোৰে ভিতৰত প্ৰৱেশ কৰি আলমিৰাকে আদি কৰি বিভিন্ন সামগ্ৰী চুৰি কৰি ই-ৰিক্সা এখনত বোজাই কৰি নগৰবেৰাৰ বিদ্যানগৰলৈ নিয়াৰ সময়তে স্থানীয় একাংশই দেখা পাই সোধা-পোছা কৰাৰ সময়তে চোৰ দুটাই পলাই পত্ৰং দিয়ে | পাছলৈ চুৰি সামগ্ৰীভৰ্তি ই-ৰিক্সাখন স্থানীয় গাঁওৰক্ষী বাহিনীৰ লগতে যুৱকসকলে জব্দ কৰি নগৰবেৰা আৰক্ষী থানাত চমজাই দিয়ে | দিন-দুপৰতে শিক্ষানুষ্ঠানৰ সা-সামগ্ৰী চুৰি হোৱা ঘটনাই অঞ্চলজুৰি তীব্ৰ চাঞ্চল্যৰ সৃষ্টি কৰিছে | স্মৰ্তব্য যে পূৰ্বেও শিক্ষানুষ্ঠানৰ লগতে অঞ্চলটোত ধাৰাবাহিকভাৱে চুৰিকাণ্ড সংঘটিত হোৱাৰ কথাও উল্লেখ কৰে | শীঘ্ৰে এনে কাৰ্য সংঘটিত কৰা চোৰৰ দলটোক চিনাক্ত কৰি দৃষ্টান্তমূলক শাস্তিৰ দাবী জনাইছে ৰাইজে ৷
প্ৰেৰক সঞ্জীৱ কুমাৰ দাস