নিয়মীয়া বাৰ্তা ডিজিটেল, ৯ আগষ্টঃ পেৰিছ অলিম্পিকত অযোগ্য ঘোষণা কৰাৰ পিছত হাৰিয়ানা চৰকাৰে ভিনেশ ফ’গাটক সকলো সা-সুবিধা আৰু সন্মান প্ৰদান কৰাৰ কথা ঘোষণা কৰিছে। ইফালে ভিনেশৰ বাবে ৰাজ্যসভাৰ আসনৰ দাবী তীব্ৰতৰ হৈ পৰিছে। কাৰণ অহা মাহত ১২খন আসনৰ বাবে নিৰ্বাচন অনুষ্ঠিত হ’বলৈ গৈ আছে। হাৰিয়ানাৰ প্ৰাক্তন মুখ্যমন্ত্ৰী ভূপিন্দৰ সিং হুডাই ফ’গাটক ৰাজ্যসভালৈ মনোনীত কৰিব লাগে বুলি কোৱাৰ বিপৰীতে অৱশ্যে ৰাজ্যসভাৰ নিয়ম অনুসৰি তাৰকা মল্লযুঁজাৰুগৰাকী যোগ্য নহ’ব। কংগ্ৰেছ নেতা তথা প্ৰাক্তন মুখ্যমন্ত্ৰী ভূপেন্দ্ৰ সিং হুদাই কয় যে ভিনেশ ফ’গাটক ৰাজ্যসভালৈ প্ৰেৰণ কৰিব লাগে। কিন্তু, ৰাজ্যসভাৰ নিয়ম অনুসৰি তাৰকা মহিলা মল্লযুঁজাৰু যোগ্য নহ’ব। কাৰণ তেওঁৰ বয়স ৩০ বছৰৰ কম। নিয়ম অনুসৰি ৰাজ্যসভাৰ সদস্য হ’বলৈ এজন ব্যক্তিৰ বয়সৰ সীমা ৩০ বছৰৰ কম হ’ব নালাগে। বৰ্তমান ভিনেশ ফ’গাটৰ বয়স ২৯ বছৰ। কিন্তু ২৫ আগষ্টত ৩০ বছৰ সম্পূৰ্ণ হ’ব ভিনেশৰ। অহা ৩ ছেপ্টেম্বৰত ৰাজ্যসভাৰ ১২খন আসনত নিৰ্বাচন অনুষ্ঠিত হ’ব আৰু সেইদিনা ফলাফলো ঘোষণা কৰা হ’ব। ইফালে হাৰিয়ানাত এখন আসন খালী কাৰণ কংগ্ৰেছ নেতা দীপেন্দৰ হুদাই লোকসভা নিৰ্বাচনত ৰোহটকৰ পৰা প্ৰতিদ্বন্দ্বিতা কৰি ৩.৪ লাখ ভোটৰ ব্যৱধানত জয়লাভ কৰিছিল। নিৰ্বাচন আয়োগৰ তথ্য অনুসৰি ১৪ আগষ্টত ৰাজ্যসভা নিৰ্বাচনৰ বাবে অধিসূচনা জাৰি কৰা হ’ব আৰু মনোনয়ন পত্ৰ দাখিলৰ অন্তিম তাৰিখ ২১ আগষ্ট। এনে পৰিস্থিতিত কংগ্ৰেছে বিচাৰিলেও ফ’গাট যোগ্য নহ’ব, কাৰণ ২৫ আগষ্টত তেওঁৰ বয়স ৩০ বছৰ হ’ব। যিটো কাট অফ ডেটৰ পৰা মাত্ৰ ৪ দিন পিছ পৰি আছে। আনহাতে, কংগ্ৰেছ নেতা তথা প্ৰাক্তন মুখ্যমন্ত্ৰী ভূপেন্দ্ৰ সিং হুডাই সংবাদ সংস্থা এএনআইৰ সৈতে হোৱা বাৰ্তালাপত কয় যে হাৰিয়ানা বিধানসভাত যদি কংগ্ৰেছৰ সংখ্যাগত শক্তি থাকিলহেঁতেন তেন্তে ভিনেশ ফ’গাটক ৰাজ্যসভাৰ বাবে মনোনীত কৰিলেহেঁতেন। কংগ্ৰেছ নেতা ভূপেন্দ্ৰ সিং হুদাই কয়, আমাৰ হাতত নম্বৰ নাই, ২৮জন বিধায়কে কৈছে যে আমাৰ প্ৰাৰ্থী ৰাজ্যসভাৰ সাংসদ হ’ব নোৱাৰে। নম্বৰ থাকিলে আমি ভিনেশ ফ’গাটক ৰাজ্যসভালৈ পঠিয়াই দিলোহেঁতেন। ভিনেশ ফ’গাটৰ পিতৃ মহাবীৰ ফ’গাটে কংগ্ৰেছ নেতাসকলৰ এই মন্তব্যক ‘ৰাজনৈতিক ষ্টাণ্ট’ বুলি অভিহিত কৰে। মহাবীৰ ফোগাটে কয় যে যেতিয়া হাৰিয়ানাত কংগ্ৰেছৰ ক্ষমতা আছিল তেতিয়া তেওঁৰ কন্যা মল্লযুঁজাৰু গীতা ফ’গাটক বহু পদক লাভ কৰাৰ পিছতো ৰাজ্যসভালৈ প্ৰেৰণ কৰা হোৱা নাছিল। এই সময়ত মহাবীৰ ফোগাটে কয়, যেতিয়া তেওঁলোকৰ চৰকাৰ আছিল, তেতিয়া তেওঁলোকে গীতা ফ’গাটক কিয় পঠিয়াব পৰা নাছিল? তেওঁ আৰু কয়, গীতা ফ’গাটে বহু অভিলেখ গঢ়ি তুলিছে। ভূপেন্দ্ৰ সিং হুডা চৰকাৰ শাসনত থকাৰ সময়ত গীতাক উপ-আৰক্ষী অধীক্ষকৰ পদো দিয়া হোৱা নাছিল।