নিয়মীয়া বাৰ্তা, ১২ আগষ্ট : বৰপেটাৰ জনিয়াৰ কান্দাপাৰা মেধিৰটাৰী সংযোগী পকীপথৰ বিধ্বস্ত ৰূপ। গুৰুত্বপূৰ্ণ পথছোৱাৰ শোচনীয় ৰূপত এতিয়া অতিষ্ঠ স্কুলীয়া ছাত্ৰ-ছাত্ৰীৰ লগতে হাজাৰ হাজাৰ পথচাৰী । বছৰ বছৰ ধৰি মেৰামতিৰ অভাৱত পকীপথছোৱাৰ প্ৰায় অংশ সম্প্ৰতি জহি-খহি যোৱাৰ লগতে পথৰ মাজত সৃষ্টি হৈছে প্ৰকাণ্ড প্ৰকাণ্ড গাঁত। ফলত উক্ত শোচনীয় পথছোৱাৰে যাতায়াত কৰোঁতে পথচাৰীয়ে নিতৌ সৰু-বৰ দুৰ্ঘটনাৰ সন্মুখীন হ’বলগীয়া হৈছে। পথ মেৰামতিত গুৰুত্ব নিদিয়াৰ অভিযোগ স্থানীয় জনপ্ৰতিনিধি তথা বিভাগীয় কৰ্তৃপক্ষৰ বিৰুদ্ধে।সেয়ে দীৰ্ঘদিনে ৰাইজে পথছোৱাত চৰম অসুবিধা ভোগ কৰাত এতিয়া উপায়হীন হৈ মুখ্যমন্ত্ৰীক পথছোৱা নিৰ্মাণ কৰি যাতায়াত ব্যৱস্থা সুচল কৰি দিবলৈ অনুৰোধ জনাইছে।
প্ৰেৰক আব্দুল আজিজ আহমেদ