নিয়মীয়া বাৰ্তা ডিজিটেল, ১৪ আগষ্টঃ আজি গোলাঘাট মৰঙিৰ পংকা ৰূপৰাম হাজৰিকা উচ্চতৰ মাধ্যমিক বিদ্যালয়ত স্বেচ্ছাসেৱী সংগঠন SIYOR THE VOICE OF YOUTHৰ উদ্যোগত স্কুলীয়া ছাত্ৰী আৰু বাগান অঞ্চলৰ মহিলাসকলৰ মাজৰ ঋতুস্ৰাৱ (মাহেকীয়া) পৰিষ্কাৰ পৰিচন্নতা সম্পৰ্কে সজাগতা অনুষ্ঠান আয়োজন তথা চেনিটেৰী পেদ বিতৰণ কৰা হয়। বিজয় চেত্ৰীয়ে আঁত ধৰা অনুষ্ঠানত এই সম্পৰ্কে সজাগতা সম্পৰ্কীয় বক্তব্য আগবঢ়ায় তৃষ্ণা গগৈয়ে। উক্ত অনুষ্ঠানত চিঞৰৰ বিষয়ববীয়া তথা উক্ত বিদ্যালয়ৰ শিক্ষক-শিক্ষয়িত্ৰী উপস্থিত থাকে। শেষত প্ৰায় তিনি শতাধিক ছাত্ৰীক চেনিটেৰী পেদ বিতৰণ কৰি অনুষ্ঠানটি সমাপ্ত হয় আৰু আগন্তুক দিনত বিভিন্ন বিদ্যালয় তথা বাগান অঞ্চলত এই সজাগতা অনুষ্ঠানত চলাই নিব বুলি জানিব দিয়ে।