নিয়মীয়া বাৰ্তা, ১৮ নৱেম্বৰঃ নগৰবেৰাৰ ভখুৰাদিয়াত আৰক্ষীৰ ড্ৰাগছবিৰোধী অভিযান।অভিযানত ড্ৰাগছ ভৰ্তি কন্টেইনাৰ সহ এগৰাকী ড্ৰাগছ সৰবৰাহকাৰী আটক কৰিবলৈ সক্ষম হয় আৰক্ষীয়ে। ধৃত ড্ৰাগছ সৰবৰাহ কাৰীৰ নাম ৰফিকুল হক, ৰফিকুলৰ ঘৰ ভখুৰাদিয়াত। সৰবৰাহকাৰী ৰফিকুলৰ পৰা আৰক্ষীয়ে জব্দ কৰে ২৪টাকৈ ড্ৰাগছভৰ্তি কন্টেইনাৰ।নগৰবেৰা থানাৰ ভাৰপ্ৰাপ্ত বিষয়া লাবণ্য বড়োৰ নেতৃত্বত নিশা চলে এই অভিযান। জব্দকৃত ড্ৰাগছখিনি সৰবৰাহ কৰাৰ সময়তে আৰক্ষীয়ে গোপন খবৰৰ ভিত্তিত সৰবৰাহকাৰী জনক আটক কৰিবলৈ সক্ষম হয়। উল্লেখ্য যে, দীৰ্ঘদিনৰে পৰা ভখুৰাদিয়া অঞ্চলত এটা চক্ৰই অব্যাহত ৰাখিছে ড্ৰাগছৰ ৰমৰমীয়া বেহা। আৰক্ষীৰ ড্ৰাগছ বিৰোধী অভিযান অধিক তীব্ৰতৰ কৰি তুলিবলৈ দাবী জনাইছে স্থানীয় ৰাইজে।
প্ৰেৰক সঞ্জীৱ কুমাৰ দাস