নিয়মীয়া বাৰ্তা, ১৯ নৱেম্বৰঃ ৰূপহীহাটৰ মাহেৰীপাৰ এডভাঞ্চ ছিনিয়ৰ ছেকেণ্ডাৰী স্কুলৰ দুদিনীয়া কাৰ্যসূচীৰে নৱাগত আদৰণী সভাৰ সামৰণি পৰে। ৰূপহীহাটৰ ব্যক্তিগত শিক্ষাৰ আগশাৰীৰ শিক্ষানুষ্ঠান এডভাঞ্চ ছিনিয়ৰ ছেকেণ্ডাৰী স্কুলৰ নৱাগত আদৰণী সভাৰ লগত সংগতি ৰাখি কালি পুৱাৰ ভাগত এক বিশাল সাংস্কৃতিক শোভাযাত্ৰা উলিওৱা হয়৷ এই সাংস্কৃতিক শোভাযাত্ৰাত বিদ্যালয়খৰ ছাত্ৰ-ছাত্ৰীসকলে অসমীয়া কৃষ্টি আৰু সংস্কৃতিক বৰ্ণিলভাৱে উপস্থাপন কৰে৷ তদুপলক্ষে বিদ্যালয় প্ৰাংগনত এক উখল মাখল পৰিৱেশৰ সৃষ্টি হয়। আদৰণী সভাত বিশিষ্ট অতিথি হিচাপে উপস্থিত থাকি আনুৱাৰ হুছেইনে উপস্থিত থকা অভিভাৱক তথা ছাত্ৰ ছাত্ৰীসকলৰ উদ্দেশ্যী সাৰুৱা ভাষণ প্ৰদান কৰে। বিয়লি অনুষ্ঠিত সাংস্কৃতিক অনুষ্ঠানত ছাত্ৰ -ছাত্ৰী সকলে নৃত্য, গীত পৰিবেশন কৰে।
প্ৰেৰক জহিৰুল ইছলাম