নিয়মীয়া বাৰ্তা, ২৮ নৱেম্বৰ : কাৰাটে ইণ্ডিয়া অৰগেনাইজেশ্যনে অলপতে দিল্লীৰ তালকাটোৰা ইনড’ৰ ষ্টেডিয়ামত অনুস্থিত কৰা কে আই অ’ কাপ্ প্ৰিমিয়াৰ লিগ আৰু য়ুথ লিগ কাৰাটে প্ৰতিযোগিতাত অসমৰ হৈ প্ৰতিনিধিত্ব কৰি নগাধুলি জনজাতি মধ্য ইংৰাজী বিদ্যালয়ৰ অষ্টম শ্ৰেণীৰ ছাত্ৰী জোনমণি মুণ্ডাই ৪২ কেজি শাখাত ৰূপৰ পদক অৰ্জন কৰিবলৈ সক্ষম হয়। জোনমণিয়ে আশীহাৰা কাৰাটে স্কুল অৱ অসম যোৰহাটৰ অন্তৰ্গত নগাধুলিৰ কাৰাটে কিড্ছ জ’নত প্ৰশিক্ষণ গ্ৰহণ কৰি আছে। জোনমণিৰ এই সাফল্যই সকলোকে আনন্দিত আৰু গৌৰাম্বিত কৰি তুলিছে। গোৱাত অনুষ্ঠিত হ’ব লগা পৰৱৰ্তী ৰাষ্ট্ৰীয় প্ৰতিযোগিতাৰ বাবে খেলুৱৈ গৰাকী সাজু হোৱা বুলি জানিব পৰা গৈছে।
প্ৰেৰক অজয় শইকীয়া