বিশেষ বাৰ্তা, ৩ ডিচেম্বৰঃ ওদালগুৰিৰ বিষ্ণু ৰাভা কৃষ্টি সংঘৰ খেলপথাৰত ২ ডিচেম্বৰৰ পৰা ১৫ ডিচেম্বৰলৈ ব্ৰাফেডৰ উদ্যোগত ৰাজ্যিক হস্ততাত বস্ত্ৰ মেলাত মুখ্য অতিথি হিচাপে উপস্থিত থাকি বন্তি প্ৰজ্বলন কৰি মেলাৰ শুভ উদ্বোধন কৰে বিটিচি চৰকাৰৰ জনসংযোগ আৰু পুথিভড়াল বিভাগৰ কাৰ্যবাহী সদস্য নিলৎ স্বৰ্গীয়াৰীয়ে। উপস্থিত থাকে ওদালগুৰি পৌৰ সভাৰ পৌৰপতি ৰাকেশ বড়ো, ওদালগুৰি জিলাৰ হস্ততাত আৰু বস্ত্ৰ বিভাগৰ পৰিদৰ্শক মুনিন্দ্ৰ লহকৰ, বিষ্ণু ৰাভা কৃষ্টি সংঘৰ উপদেষ্টা তীৰ্থ নাথ দাস, বিষ্ণু ৰাভা কৃষ্টি সংঘৰ সম্পাদক গিৰিন্দ্ৰ নাথ চৌধুৰী লগতে ওদালগুৰিৰ কেইবাগৰাকীও বিশিষ্ট লোক উপস্থিত থাকে। এই বেলি বস্ত্ৰ মেলাত অসমৰ বিভিন্ন জিলাৰ পৰা থলুৱা শিপিনী সকলৰ বিপনী অহাৰ লগতে বিটিচিৰ পাঁচখন জিলাৰ পৰাও কেইবাখনো বিপনি অহাৰ সমান্তৰালভাৱে মণিপুৰ, নাগালেণ্ড, জম্মু কাশ্মীৰ, পানীপট আদিৰ পৰা অংশগ্ৰহণ কৰে বিষ্ণু ৰাভা কৃষ্টি সংঘৰ খেলপথাত। কম দামতে অধিক উন্নতমানৰ সামগ্ৰী গ্ৰাহক দিয়াৰ চেষ্টা ৰাখিছে বুলি জানিবলৈ দিছে ব্ৰাফেডৰ কাৰিকৰী প্ৰশিক্ষক মৃদুল বৈশ্যই।
প্ৰেৰক অখিল কলিতা