🔹 টাটা মেজিক চুৰিৰ সমগ্ৰ দৃশ্য বন্দী চি চি টিভিত
নিয়মীয়া বাৰ্তা, ৯ ডিচেম্বৰ : ৰূপহীহাটৰ ভকতগাঁৱত গাড়ীচোৰৰ সন্ত্ৰাস। যোৱানিশা ঘৰৰ চৌহদৰ পৰা চোৰে লৈ গ’ল মালবাহী টাটা মেজিক বাহন। ৰহমত আলী নামৰ লোকজনৰ ঘৰৰ চৌহদৰ পৰা এটা গভাইত চোৰৰ দলে এ এছ-০২ বিচি-৮৬৭৪ নম্বৰৰ গাড়ীখন লৈ উদাও হয়। ৰহমত আলীৰ উপাৰ্জনৰ একমাত্ৰ আহিলা আছিল গাড়ীখন। নিশা ২ মান বজাত চোৰৰ চুৰি কাণ্ডৰ সমগ্ৰ দৃশ্য বন্দী হৈ ৰ’ল চি চি টিভি কেমেৰাত। ঘটনা সন্দৰ্ভত ৰূপহীহাট থানাত গোচৰ তৰে ভুক্তভোগীয়ে। ঘটনা সন্দৰ্ভত ৰূপহীহাট আৰক্ষীয়ে তদন্ত আৰম্ভ কৰিছে ৷
প্ৰেৰক জহিৰুল ইছলাম