🔹 ইনষ্টাগ্রামত ভিডিঅ’ প’ষ্ট
নিউজ ডেস্ক, ১৭ ডিচেম্বৰ : মেচিনগান সংলগ্ণ গাড়ীৰে আহি বিবাহ মণ্ডপত হাজিৰ হ’ল দৰা–কইনা৷ মেচিনগানৰ দুকাষেৰে বাহিৰ হৈ আছে ধোঁৱা৷ আটাইতকৈ গুৰুত্বপূর্ণ কথাটো হৈছে মেচিনগানটো অবিকল ‘এনিমেল’ ছবিত ব্যৱহাৰ হোৱা আগ্ণেয়াস্ত্রৰ দৰে৷ এই মেচিনগানটোৱেই ছবিত একচনৰ সময়ত ব্যৱহাৰ কৰিছিল নায়ক ৰণবীৰ কাপুৰে৷ বিবাহ অনুষ্ঠানত দৰা–কইনাই এনে মেচিনগান লৈ অহা বিষয়টোক লৈ সৰৱ চর্চা চলিছে৷ অৱশ্যে মেচিনগানটো আচল নহয়৷ বিয়াৰ বাবে নিখুঁতভাৱে ইয়াক বনোৱা হৈছে৷ কেইদিনমান পূর্বে ইনষ্টাগ্রামৰ এটা একাউণ্টৰ পৰা এই ভিডিঅ’টো ভাইৰেল হৈছে৷ লক্ষণীয়ভাৱে ভাৰতীয় এক দম্পতী ‘এনিমেল’ ছবিৰ যথেষ্ট অনুৰাগী আছিল৷ সেইবাবে বিবাহ অনুষ্ঠানত এনিমেল ছবিত ব্যৱহাৰ হোৱা মেচিনগান লগত ৰাখি বৈবাহিক কার্য সম্পাদন কৰিব বিচাৰিছিল এই দম্পতীয়ে৷ লক্ষণীয়ভাৱে দৰা–কইনাৰ প্রৱেশৰ লগে লগে ‘অর্জুন ভাইলি’ গানটো বজা শুনিবলৈ পোৱা গৈছিল৷ ২০২৩ চনত ৰণবীৰ কাপুৰৰ এই ছবিখনে মুক্তি লাভ কৰিছিল৷ বলীউডত এখন সফল ছবি হিচাপে পৰিচিত হৈছিল এনিমেল৷ সেই ছবিখনত ৫০০ কেজি ওজনৰ মেচিনগান এটা ব্যৱহাৰ কৰা হৈছিল৷ এই মেচিনগানটোক লৈ উদ্বুদ্ধ হৈ পৰিছিল দম্পতী৷ সেইবাবে তেওঁলোকে নিজৰ বিবাহ অনুষ্ঠানত এই মেচিনগান লৈ উপস্থিত হোৱা দেখিবলৈ পোৱা গ’ল৷ এই ভিডিঅ’টো প’ষ্ট হোৱাৰ পিছতে ২ কোটি ৪০ লাখ ভিউ হৈছে৷ ৩ লাখ ৮০ হাজাৰতকৈ অধিকসংখ্যকে ইয়াক লাইক কৰিছে৷ আনফালে বাৰ সহস্রাধিকে এই ভিডিঅ’টোত বিভিন্ন মন্তব্য আগবঢ়াইছে৷