নিয়মীয়া বাৰ্তা ডিজিটেল, ১৫ জানুৱাৰীঃ ভোগালী বিহুৰ মাজনিশা ধেমাজি আৰক্ষী থানা অধীনৰ মাছখোৱা মাজগাৱঁত ভয়ংকৰ অঘটন৷ ধেমাজি মাছখোৱাৰ মাজগাঁও নিৱাসী অবসৰপ্ৰাপ্ত শিক্ষক সোণাৰাম কোচৰ ঘৰত যোৱা ৰাতি ১২ বজাত অচিনাক্ত লোকে এখন মটৰ চাইকেল নম্বৰ As 22 E5245 বুলেট বাইক আৰু এখন স্কুটি আৰু এখন চেলেৰিঅ গাড়ী নং AS E 9949 কোনোবা অচিনাক্ত লোকে অগ্নি সংযোগ কৰে৷ মাজ নিশা দুটা পৰিয়ালৰ লোকসকল শুই থকা অবস্থাত এই ঘটনা হোৱাৰ পিছত বৌৱেকে সাৰ পাই শব্দ শুনা পায়৷ আৰু ওলাই গৈ দেখে ঘৰৰ মটৰচাইকেল গাড়ীবোৰ জুইত জাহ গৈছে৷ পিছত গাৱঁৰ ৰাইজ আহি জুই নুমাবলৈ চেষ্টা কৰে৷ ইতিমধ্যে ধেমাজি সদৰৰ পৰা ডিএছপি আৰু মাছখোৱা আৰক্ষী চকীৰ ভাৰপ্ৰাপ্ত বিষয়া ঘটনাস্থলীত মাজনিশাতে উপস্থিত হয়৷ ৰাইজ প্ৰচেষ্টাত ইতিমধ্যে জুই নুমায় যদিও মটৰ চাইকেল, স্কুটি জুইত জাহ যায়৷ আৰু গাড়ীখনো জুইত জাহ যায়। এই ঘটনাটোৱে সমগ্ৰ মাছখোৱাবাসীয়ে হতবাক হৈছে৷