নিয়মীয়া বাৰ্তা, ২৮ জানুৱাৰী : গোৱালপাৰাৰ নৱাগত শিমলীতোলা বজাৰত হাতে-লোটে ধৰা পৰিল কুখ্যাত চোৰ। ধৃত চোৰজন বৰপথাৰ শালপাৰা গাঁৱৰ মণিৰুল ইছলাম বুলি জানিব পৰা গৈছে | যোৱানিশা নৱাগত শিমলীতোলা বজাৰৰ অহেদ আলীৰ দোকানত চুৰিকাণ্ড সংঘটিত কৰাৰ সময়তে হাতে-লোটে আটক কৰে মণিৰুলক । জানিব পৰা মতে, অহেদ আলীৰ দোকানৰ পৰা নগদ ৬ হাজাৰ টকা আৰু এখন মোবাইল দোকানৰ পৰা মোবাইল ফোন এটা চুৰি কৰিছিল যুৱকজনে | ৰাইজে উত্তম-মধ্যম শোধাই চোৰজনক গতাই দিয়ে শিমলীতোলা আৰক্ষীক। উল্লেখ্য যে অঞ্চলটোত একাধিক চুৰিকাণ্ডত মণিৰুল জড়িত থকাৰো অভিযোগ উত্থাপন হৈছে।
প্ৰেৰক সঞ্জীৱ কুমাৰ দাস