নিয়মীয়া বাৰ্তা, ৩১ জানুৱাৰী : বিহালীৰ চেৰেলীয়াত আৰক্ষীয়ে ড্ৰাগছসহ দুই সৰবৰাহকাৰীক আটক কৰিবলৈ সক্ষম হয় । বিহালী সমষ্টিৰ অন্তৰ্গত ১৫নং ৰাষ্ট্ৰীয় ঘাইপথৰ কাষতে থকা চেৰেলীয়া পৰিদৰ্শন বাংলাৰ সন্মুখত দুটাকৈ ড্ৰাগছ সৰবৰাহকাৰীক ড্ৰাগছসহ আটক কৰে বিহালী আৰক্ষীয়ে। দুই সৰবৰাহকাৰীয়ে AS-12 AE-8301 নম্বৰৰ মটৰ বাইকত ড্ৰাগছখিনি কঢ়িয়াই আনিছিল । বিহালী আৰক্ষী থানাৰ ভাৰপ্ৰাপ্ত আৰক্ষী বিষয়া খনিন্দ্ৰ নাথৰ নেতৃত্বত চলা অভিযানত নগাঁও জিলাৰ ৰূপহীৰ হৰজুল ইছলাম আৰু শোণিতপুৰ জিলাৰ তেজপুৰ পাঁচমাইলৰ মুকছিদুল হকক আটক কৰে। ১৯টা কন্টেইনাৰত অনা উদ্ধাৰকৃত ড্ৰাগছখিনিৰ বজাৰ মূল্য প্ৰায় ১০ লাখ টকা বুলি জানিব পৰা গৈছে।