ইজৰাইল আৰু আমেৰিকা যুক্তৰাষ্ট্রৰ আকাশমার্গেৰে আক্রমণ, ৰাছিয়াৰ সৈতে ছুখয়–৩৫ৰ চুক্তি স্থগিত হোৱাৰ পিছত ইৰানে চীনৰ পৰা অত্যাধুনিক যুদ্ধবিমান ক্রয়ৰ সিদ্ধান্ত গ্রহণ কৰিছে৷ চীনৰ চেংডু জে–১০ চি যুদ্ধবিমান ক্রয় কৰাৰ বাবে তেহৰানে বেইজিঙৰ সৈতে আলোচনাত মিলিত হৈছে৷
দুয়োখন দেশৰ মাজত চীনৰ বহুমুখী যুদ্ধবিমানখন ক্রয় কৰাৰ ক্ষেত্রত চুক্তি স্বাক্ষৰিত হোৱাৰ দিশেও আগবাঢ়িছে৷ ইৰানৰ বাতৰিকাকত খৰাচানত প্রকাশ কৰা মতে, তেহৰানে দেশৰ সেনাক আধুনিকীকৰণ আৰু বায়ুসেনাৰ পুৰণি হোৱা বিমান আৰু যুদ্ধবিমান আঁতৰাই নতুন অত্যাধুনিক যুদ্ধবিমান হিচাপে চীনৰ চেংডু জে–১০ চি বিমানখন ক্রয় কৰিব৷ দেশখনৰ প্রতি ভাবুকি আহি পৰাৰ পৰিপ্রেক্ষিততে ইৰানে তীব্রগতিসম্পন্ন যুদ্ধৰ বাবে অতি দক্ষ বিমান ক্রয়ৰ বাবে প্রয়োজনীয়তা আহি পৰিছে৷
উল্লেখ্য যে ৰাছিয়াই চুক্তি অনুসৰি ইৰানক বিমান যোগান ধৰাত বিলম্ব কৰাৰ বাবে চুক্তি স্থগিত ৰখা হৈছে৷
Niyomiya Barta Desk, Date of Published, 2 July, 2025