আস্থা পুনিয়া ভাৰতীয় নৌসেনাৰ প্ৰথম মহিলা ফাইটাৰ পাইলট

প্ৰথমবাৰৰ বাবে ভাৰতীয় নৌসেনাত এগৰাকী মহিলা ফাইটাৰ পাইলট নিযুক্ত হোৱাৰ গৌৰৱ অর্জন কৰিছে ছাব-লেফটেনেণ্ট আস্থা পুনিয়া। তেওঁ ভাৰতীয় নৌসেনাৰ প্ৰথম মহিলা যি যুঁজাৰু বিমান (fighter aircraft) উৰাব। যদিও এতিয়ালৈকে নৌসেনাৰ ৰিকনি বিমান আৰু হেলিকপ্টাৰৰ ক্ষেত্ৰত মহিলা পাইলট আছিল, আস্থাই এই প্ৰথমবাৰলৈ ফাইটাৰ ষ্ট্ৰীমত অন্তর্ভুক্ত হৈ নতুন ইতিহাস গঢ়িলে।

নৌসেনাই সামাজিক মাধ্যম ‘X’ (পূৰ্বৰ টুইটাৰ)-ত এটা পোষ্ট কৰি এই তথ্য ঘোষণা কৰে। পোষ্টত আস্থা পুনিয়াৰ ফটোৰে সৈতে লিখা হয় —

“নেভেল এভিয়েশনত এখন নতুন অধ্যায় সংযুক্ত হ’ল। ৩ জুলাই, ২০২৫ তাৰিখে ভাৰতীয় নেভেল এয়াৰ ষ্টেচনত অনুষ্ঠিত দ্বিতীয় বেছিক হক কনভাৰ্চন কোৰ্ছৰ সফল সমাপ্তিৰ সৈতে ভাৰতীয় নৌসেনাই এটা ঐতিহাসিক মুহূৰ্ত অতিক্ৰম কৰিলে। লেফ্টেনেণ্ট অতুল কুমাৰ ঢুল আৰু SLT আস্থা পুনিয়াক ‘Wings of Gold’ পুৰস্কাৰে সন্মানিত কৰে ৰিয়াৰ এডমিৰেল জনক বেভলি, এচি এন এছ (বায়ু)-এ।”

এই উপলক্ষে নৌসেনাই জানিবলৈ দিয়ে যে আস্থা পুনিয়া হৈছে নেভেল এভিয়েচনৰ ফাইটাৰ ষ্ট্ৰীমত অন্তর্ভুক্ত হোৱা প্ৰথমগৰাকী মহিলা পাইলট।

আস্থা পুনিয়াই কোনখন ফাইটাৰ জেট উৰাব?

আস্থাই কি বিমান উৰুৱাব সেই সম্পৰ্কে ঘোষণা হোৱা নাই, তথাপি ভাৰতীয় নৌসেনাৰ যুদ্ধবিমানৰ তালিকাত কিছুমান বিশেষ বিমান আছে। এইসমূহ মূলতঃ INS Vikramaditya আৰু INS Vikrant ৰ পৰা উৰিব পৰা মিগ-29 (MiG-29K) যুদ্ধবিমান।

• MiG-29K হৈছে নৌসেনাৰ দ্বাৰা ব্যৱহৃত প্ৰধান ফাইটাৰ বিমান।

• ইয়াৰ কম্বেট ৰেঞ্জ ৭২২ কিলোমিটাৰ আৰু সাধাৰণ ৰেঞ্জ ২৩৪৬ কিঃমিঃ।

• ই ৪৫০ কিলোগ্ৰাম বোমা, মিছাইল আৰু অন্যান্য অস্ত্ৰ বহন কৰিব পৰাকৈ সক্ষম।

আস্থা পুনিয়াৰ অন্তর্ভুক্তিৰে, ভাৰতীয় নৌসেনাৰ শক্তি আৰু লৈঙ্গিক সমতা দুয়োটাৰ ক্ষেত্ৰতে এটা ঐতিহাসিক পদক্ষেপ গ্ৰহণ কৰা হ’ল। ভৱিষ্যতৰ বাবে তেওঁ অন্যান্য মহিলাৰ অনুপ্ৰেৰণাৰ উৎস হৈ উঠিব বুলি আশা কৰা হৈছে।

Niyomiya Barta Desk, Date of Published, 4 July, 2025