নিয়মীয়া বাৰ্তা, ৩১ মাৰ্চঃ এক শোকাৱহ দুৰ্ঘটনাত প্ৰাণ হেৰুৱালে এগৰাকী নবীন সাংবাদিকে। এটা ৱেব পৰ্টেলত কৰ্মৰত যুবতীগৰাকীৰ নাম ডিম্পী কাশ্যপ। সদায় খবৰৰ পিছত দৌৰা ডিম্পী নিজেই এটা খবৰ হৈ পৰিল। সোমবাৰে নিশা কৰ্মস্থলীৰ পৰা ঘৰলৈ উভতাৰ পথত নিয়ন্ত্ৰণ হেৰুৱাই ডিম্পীসহ এজন সহকৰ্মী আহি থকা স্কুটীখনে খুন্দা মাৰে এটা বৈদ্যুতিক খুঁটাত ফলত থিতাতে প্ৰাণ হেৰুৱাই ডিম্পী কাশ্যপে। আনহাতে গুৰুতৰভাৱে আহত হয় অৰূপ মৰাণ নামৰ এজন যুৱক। মৃত ডিম্পীৰ সহকৰ্মী আছিল যুৱকজন। মহানগৰীৰ জু ৰোডত সংঘটিত হৈছিল এই দুৰ্ঘটনা। এই শোকাৱহ দুৰ্ঘটনাই মৰ্মাহত কৰিছে সকলোকে। কিছুদিন পূৰ্বে সাংবাদিকতাৰ অযুত সপোন বুকুত লৈ এটা ৱেব পৰ্টেলত যোগদান কৰিছিল ডিম্পীয়ে। কিন্তু নিয়তিৰ কৰুণ পৰিহাসত হাৰ মানিলে ষোড়শী ডিম্পী কাশ্যপে।