কলকাতা কোৰিয়ান টাইকোৱানডো এছোচিয়েচনৰ উদ্যোগত কলকাতাৰ বিশ্ব বাংলা চেণ্টাৰত অনুষ্ঠিত হোৱা নৱম টি আই এ অ’পেন আন্তৰাষ্ট্ৰীয় টাইকোৱানডো চেম্পিয়নশ্বিপত ৰংজুলি ক্ৰীড়া সন্থাৰ হাইমী দাসে সোণৰ পদক অৰ্জন কৰে l
যোৱা ২১ৰ পৰা ২৩ ডিচেম্বৰলৈ অনুষ্ঠিত প্ৰতিযোগিতাত হাইমী দাসে পুমচেই ব্যক্তিগত শাখাত অংশগ্ৰহণ কৰিছিল আৰু চূড়ান্ত খেলখনত বিজয়ী হৈ সোণৰ পদকেৰে গোৱালপাৰা জিলা আৰু অসমলৈ সুনাম কঢ়িয়াই আনে l হাইমী দাসে কলকাতাৰ পৰা কালি ৰংজুলিত উপস্থিত হোৱাৰ পিছতে ৰংজুলি ক্ৰীড়া সন্থাই উষ্ম আদৰণি জনায় l
উল্লেখনীয় যে হাইমী দাসে চলিত বৰ্ষতে চণ্ডীগড়ত অনুষ্ঠিত ৰাষ্ট্ৰীয় টাইকোৱানডো প্ৰতিযোগিতাত দ্বৈত শাখাত ৰূপৰ পদক অৰ্জন কৰিবলৈ সক্ষম হৈছিল।
নিয়মীয়া বাৰ্তা, ৰংজুলি, ২৭ ডিচেম্বৰ :