নিয়মীয়া বাৰ্তা, ৬ এপ্ৰিলঃ ভাৰতীয় ফুটবল ফেডাৰেচনে ২০২৭ চনত ভাৰতত এ এফ চি এছিয়ান কাপ ফুটবল প্ৰতিযোগিতা আয়োজন কৰিবলৈ মন মেলিছে । ফেডাৰেচনৰ সাধাৰণ সম্পাজক কুশল দাসে সংবাদ মাধ্যমৰ আগত প্ৰকাশ কৰে এই কথা ।
প্ৰথমবাৰৰ বাবে আগশাৰীৰ উপ-মহাদেশীয় ফুটবল প্ৰতিযোগিতাখন ভাৰতত আয়োজনৰ ইচ্ছা প্ৰকাশ কৰি ফেডাৰচনৰ হাতত যাৱতীয় তথ্যপাতি দাখিল কৰিছে ।
উল্লেখ্য যে এছিয়ান ফুটবল কনফেডাৰেচনে অহা বৰ্ষৰ আৰম্ভণিতে মেগা ইভেণ্টখনৰ আয়োজক দেশৰ নাম ঘোষণা কৰিব । ইফালে ভাৰতৰ লগতে ছৌদি আৰবে এতিয়ালৈকে ২০২৭ ৰ এছিয়ান কাপ আয়োজন কৰিবলৈ আগ্ৰহ প্ৰকাশ কৰিছে ।