নিয়মীয়া বাৰ্তা, ৬ মে’ : গুৱাহাটী মহানগৰীত শেহতীয়াকৈ পথ দুর্ঘটনাৰ সংখ্যা বৃদ্ধি পোৱা পৰিলক্ষিত হৈছে৷ তৃতীয় পর্যায়ৰ লকডাউন চলি থকাৰ সময়তে মহানগৰীৰ কাহিলিপাৰাত মঙলবাৰে এক ভয়ংকৰ পথ দুর্ঘটনা সংঘটিত হয়৷
প্রত্যক্ষদর্শীৰ ভাষ্য অনুসৰি, কাহিলিপাৰা–লখৰা সংযোগী পথত বিয়লি প্রায় ৪.৪০ বজাত তীব্রবেগী এখন বলেৰ’ পিকআপ ভানে নিয়ন্ত্রণ হেৰুৱাই পথৰ দাঁতিত বিদ্যুতৰ খুঁটাত প্রচণ্ড জোৰে খুন্দা মাৰে৷ ফলত এ এছ–০১ জে চি ০২৪৬ নম্বৰৰ বাহনখনৰ ওপৰত বিদ্যুতৰ খুঁটা উভালি পৰে৷ ফলত বাহনখনৰ বিস্তৰ ক্ষতি হোৱাৰ লগতে চালকসহ এজন যাত্রীৰ কথমপি প্রাণৰক্ষা পৰে৷
ঘটনাস্থলীত আৰক্ষী উপস্থিত হৈ বাহনখন উদ্ধাৰ কৰি থানালৈ লৈ যোৱাৰ বিপৰীতে আহত চালক–হেণ্ডিমেনক হাস্পতাললৈ প্রেৰণ কৰে৷