নিয়মীয়া বাৰ্তা ১৩ মেঃ গুৱাহাটী মহানগৰীত বুধবাৰে নতুনকৈ ১৫ জন লোকৰ দেহত ক’ৰোনা পজিটিভ পোৱা গৈছে । ক’ৰোনাত আক্ৰান্ত এই ১৫ জন লোকেই দুদিন পূৰ্বে আক্ৰান্ত হোৱা ফাঁচী বজাৰৰ মাংগু সাহানীৰ সংস্পৰ্শলৈ আহিছিল।
ক’ৰোনাত সংক্ৰমিত লোকসকল হৈছে ক্ৰমে- সুনীল ৰয়, প্ৰভাৱ আনন্দ, লেখাৰু নিছাদ , সঞ্জীৱ কুমাৰ, চিপুজন নিছাদ, সুমীত কুমাৰ, অজয় কুমাৰ, শংকৰ সাহা, সুবোধ কুমাৰ, মুকেশ সিং, গণি কেৱাট, বিদ্বেশ্বৰী ঠাকুৰ, প্ৰবীণ কুমাৰ ৰাও, কৃষ্ণ কুমাৰ গুপ্তা আৰু বিশ্বনাথ শ্বাহা।
উল্লেখ্য যে মাংগু সাহানী ক’ৰোনাত আক্ৰান্ত হোৱাৰ পাছতে, এই লোকসকলক কোৱাৰেণ্টাইনত ৰখা হৈছিল ।
ইপিনে ইয়াৰ পাছতে ৰাজ্যত ক’ৰোনাত আক্ৰান্ত লোকৰ সংখ্যা ৭৯ জনলৈ বৃদ্ধি পায় । অৱশ্যে ৰাজ্যৰ স্বাস্থ্যমন্ত্ৰী ড০ হিমন্ত বিশ্ব শৰ্মাই ৰাজ্যবাসীক শংকিত নহ’বলৈ আহ্বান জনাইছে ।