এইবাৰ ছিকিম সীমান্তত ভাৰত-চীন সেনাৰ মাজত হতাহতি; ৫ মিনিট ধৰি চলিছিল সংঘৰ্ষ
ভাইৰেল হোৱা ভিডিঅ'টো কেতিয়াৰ এই পৰ্যন্ত স্পষ্ট হোৱা নাই
নিয়মীয়া বাৰ্তা, ২৩ জুনঃ গলৱান ঘাটিত ভাৰত-চীনৰ মাজত হোৱা সংঘৰ্ষৰ চৰ্চা অব্যাহত থকাৰ সময়তে শেহতীয়াকৈ ছিকিম সীমান্তত ভাৰত-চীন সেনাৰ মাজত হতাহতি হোৱাৰ এক ভিডিঅ’ পোহৰলৈ আহিছে ।
এজন ভাৰতীয় সেনাৰ জোৱানে চীনা সৈন্যক ঘোচা মৰাৰ দৃশ্য ভিডিঅ’টোত স্পষ্টকৈ দেখা গৈছে । লগতে দুয়ো দেশৰ সেনাৰ মাজত হোৱা এই হতাহতি প্ৰায় ৫ মিনিট সময়ধৰি চলিছিল ।
ভিডিঅ’টোত দেখা অনুসৰি, দুয়োখন দেশৰে সেনাই পৰস্পৰে পৰস্পৰক গো বেক (Go Back) আৰু দণ্ট ফাইট (Don’t Fight) বুলি কোৱাৰ শব্দ বহুবাৰ শুনা গৈছে । ইফালে বহু উচ্চ স্থানত লগা এই হতাহতিৰ ভিডিঅ’টোত কাষৰীয়া ঠাইসমূহ বৰফেৰে ঢাক খাই থকা দেখা গৈছে ।
অৱশ্যে তাৎপৰ্যপূৰ্ণ কথা এয়ে যে ছ’চিয়েল মিডিয়াত ভাইৰেল হোৱা এই ভিডিঅ’টো কেতিয়াৰ এই পৰ্যন্ত স্পষ্ট হোৱা নাই । আনহাতে ভাৰত-চীনৰ বিষয়াসকলে গলৱান ঘাটিত হোৱা সংঘৰ্ষ সন্দৰ্ভত আলোচনা অব্যাহত আছে ।
Another video of Indo #Chinese soldiers scuffle emerges, most likely of NakuLa in North #Sikkim of May 9 though #IndianArmy yet to respond officially pic.twitter.com/I8YGQZPyN2
— Neeraj Rajput (@neeraj_rajput) June 22, 2020