নিয়মীয়া বাৰ্তা, ১৭ জুলাইঃ জ্যেষ্ঠ ভাতৃ ক’ৰোনাত আক্রান্ত হোৱাৰ পিছত ভাৰতীয় ক্রিকেট নিয়ন্ত্রণ ব’ডৰ সভাপতি সৌৰভ গাংগুলীয়ে নিজকে হোম কোৱাৰেণ্টাইনত ৰাখিছে৷ বংগ ক্রিকেট এছ’চিয়েচনৰ যুটীয়া সচিব স্নেহাশিস গাংগুলীয়ে বুধবাৰে ক’ভিড–১৯ত আক্রান্ত হোৱাটো নিশ্চিত হৈ পৰে৷
এই ঘটনাটো সংঘটিত হোৱাৰ পিছতে স্নেহাশিসৰ ভাতৃ তথা বিচিচিআইৰ সভাপতি সৌৰভ গাংগুলীয়ে স্বাস্থ্য বিভাগৰ নীতি–নির্দেশনা মানি হোম কোৱাৰেণ্টাইনত থকাৰ সিদ্ধান্ত গ্রহণ কৰে৷ বংগৰ হৈ প্রথম শ্রেণীৰ ক্রিকেট খেলা স্নেহাশিসক বুধবাৰে নিশা বেলেভিউ চিকিৎসালয়ত ভর্তি কৰোৱা হয়৷
