নিয়মীয়া বাৰ্তা, ২৫ আগষ্টঃ ৰাজ্যৰ অতি শক্তিশালী আৰু প্ৰভাৱশালী মন্ত্ৰী ড০হিমন্ত বিশ্ব শৰ্মাৰ ৰাজনৈতিক উত্থানত প্ৰভুত অৱদান যোগায় অহা কামৰূপ জিলাৰ জালুকবাৰী সমষ্টিৰ বেজেৰা জিলা পৰিষদৰ প্ৰাক্তন সদস্য তথা ভাৰতীয় জনতা পাৰ্টীৰ গুৱাহাটী মহানগৰ জিলা সমিতিৰ সম্পাদক ৰমণী মোহন ডেকাৰ শনিবাৰে আকস্মিক আৰু অকাল মৃত্যু হয়।
আজি প্ৰয়াত ৰমণী মোহন ডেকাৰ ঘৰত উপস্থিত হয় অসম চৰকাৰৰ স্বাস্থ্য বিত্ত, শিক্ষা , গড়কাপ্তানী মন্ত্ৰী ড০হিমন্ত বিশ্ব শৰ্মা উপস্থিত হয়। ইয়াত প্ৰয়াত ৰমণী মোহন ডেকাৰ প্ৰতিচ্ছবিত বন্তি প্ৰজ্বলন আৰু পূস্পাঞ্জলী অৰ্পণ কৰে লগতে পৰিয়ালৰ লগত মত বিনিময় কৰে।