নিয়মীয়া বাৰ্তা, ২৫ ছেপ্টেম্বৰঃ কৰ’নাই সৃষ্টি কৰা ভয়াৱহ পৰিস্থিতিৰ মাজতে বিহাৰৰ নিৰ্বাচনৰ দিন ঘোষণা। ৩টা পৰ্যায়ত অনুষ্ঠিত হ’ব বিহাৰ বিধানসভাৰ নিৰ্বাচন। অহা ২৮ অক্টোবৰ ৩ নৱেম্বৰ আৰু ৭ নৱেম্বৰত ভোট গ্ৰহণ অনুষ্ঠিত হোৱাৰ বিপৰীতে ১০ নৱেম্বৰত ঘোষণা কৰা হ’ব ফলাফল।
মুখ্য নিৰ্বাচনী আয়ুক্ত সুনীল আৰোৰাই নতুন দিল্লীত এক সংবাদমেলযোগে এই কথা ঘোষণা কৰে।ভোটদানৰ সময়সীমা পুৱা ৭ বজাৰ পৰা সন্ধ্যা ৬ বজালৈ। ভোটদান আৰু নিৰ্বাচনী প্ৰচাৰৰ সন্দৰ্ভতো বিশেষ সুৰক্ষা প্ৰদান কৰা হ’ব বুলি মন্তব্য কৰে নিৰ্বাচনী আয়ুক্তগৰাকীয়ে।
ভোটদানৰ সময়সীমাৰ ৫ বজাৰ পৰা ৬ বজালৈ ক’ৰোনাত আক্ৰান্তলোকসকল আৰু কোৱাৰেণ্টাইনত থকা লোকসকলৰ বাবে ৰখা হৈছে। ২৯ অক্টোবৰত সমাপ্ত হ’ব বিহাৰ বিধানসভাৰ কাৰ্যকাল।