নিয়মীয়া বাৰ্তা ১৫ জানুৱাৰীঃ আজি পহিলা মাঘ ৷ পহিলা মাঘৰ দিনটোত পুৱাৰে পৰা ভক্তি প্ৰাণ ৰাইজৰ সমাগম ঘটে বৰপেটা সত্ৰত ৷ উল্লেখ্য যে পুহৰ সংক্ৰান্তিৰ দিনটোৰ পৰা মাঘ মাহৰ চাৰি তাৰিখলৈকে বৰপেটা সত্ৰত পাঁচদিনীয়াকৈ পালন কৰা হয় ভোগালী বিহু ৷ বৰপেটা সত্ৰত উদযাপিত ভোগালী বিহুক ‘মাঘৰ দোমাহী’ বুলি কোৱা হয় ৷ মাঘৰ দোমাহী উপলক্ষে সত্ৰত পাঁচ দিন ধৰি নিত্য প্ৰসংগৰ লগতে নৈমিত্তিক প্ৰসংগও পৰিবেশন কৰা হয় ৷