নিয়মীয়া বাৰ্তা, ৭ ফেব্ৰুৱাৰীঃ প্রাইড ইষ্ট এণ্টাৰটেইনমেণ্ট প্রাইভেট লিমিটেডৰ দ্বাৰা প্রকাশিত জনপ্রিয় মাহেকীয়া আলোচনী ‘আইনা জীৱনৰ’ গৌৰৱময় তিনিটা বছৰ শনিবাৰে সম্পূর্ণ হ’ল৷ ২০১৮ বর্ষৰ ফেব্রুৱাৰীত অসম আৰক্ষীৰ উচ্চপদস্থ বিষয়া পার্থসাৰথি মহন্তৰ সম্পাদনাত আৰম্ভ হৈছিল আলোচনীখনৰ যাত্রা৷ পঢ়ুৱৈৰ অভূতপূর্ব সঁহাৰিৰ মাজেৰে আলোচনীখনে কালি চতুর্থ বর্ষত পদার্পণ কৰিলে৷
এই দিনটো আলোচনীখনৰ কার্যালয়ত কেক কাটি উদযাপন কৰা হয়৷ আনন্দৰ মুহূর্তটোত উপস্থিত থাকে আলোচনীখনৰ মুখ্য পৃষ্ঠপোষক ৰিণিকি ভূঞা শর্মা, সম্পাদক পার্থসাৰথি মহন্ত, প্রাইড ইষ্ট এণ্টাৰটেইনমেণ্ট প্রাইভেট লিমিটেডৰ ডেপুটী চিইঅ’ ভৱেশ চন্দ্র ডেকাৰ লগতে ‘প্রাইড ইষ্ট’ পৰিয়ালৰ আন সদস্যসকল৷
উল্লেখ্য যে এই দিনটোতে একেটা গোষ্ঠীৰ ছেটেলাইট চেনেল ‘নর্থ–ইষ্ট লাইভ’ৰো তিনিটা বছৰ সম্পূর্ণ হ’ল৷