নিয়মীয়া বাৰ্তা, ২৫ ডিচেম্বৰঃ ছিপাঝাৰত নিশা সংঘটিত হয় এটা ভয়াবহ পথ দুৰ্ঘটনা । ছিপাঝাৰ কলেজ চক -লাওজান সংযোগী গড়কাপ্তানী পথৰ বছাচুবাত সংঘটিত হোৱা এই পথ দুৰ্ঘটনাত থিতাতে নিহত হয় তিনিজনকৈ লোক । নিহত তিনিজনৰ ভিতৰত দুজন হ’ল আৰক্ষীৰ জোৱান । নিহত তিনিজন হল ক্ৰমে লাওজানৰ মিণ্টু নাথ, ছিপাঝাৰ আৰক্ষী বেটেলিয়নৰ চন্দ্ৰকান্ত দাস আৰু প্ৰাণজিত শইকীয়া ।
উল্লেখযোগ্য যে, AS,13F4424 নম্বৰৰ ৱাগ’নাৰ গাড়ীখনে নিয়ন্ত্ৰণ হেৰুৱাই পথৰ দাঁতিৰ এটা পুখুৰীত পৰাৰ ফলতেই সংঘটিত হয় দুৰ্ঘটনাটি । অৱশ্যে চালক আৰু সন্মুখৰ আসনত বহা লোকজনে নিজকে বচাবলৈ সক্ষম হয় যদিও পিছৰ আসনত বহা তিনিওৱে কৰুণভাৱে সাৱটি লয় মৃত্যুক । নিশাৰ ঘন কুঁৱলীৰ বাবেই ভয়াৱহ এই দুৰ্ঘটনাটো সংঘটিত হোৱাৰ সন্দেহ কৰা হৈছে ।