নিয়মীয়া বাৰ্তা ১৪ ছেপ্টেম্বৰঃ দেশৰ স্বাধীনতাৰ ৭৫সংখ্যক বার্ষিকীত বিশ্বৰ বৃহত্তম ক’ভিড–১৯ টিকাকৰণৰ অংশ হিচাপে ভাৰতত ৭৫ কোটি ভেকচিনৰ ড’জ প্রদানেৰে এক অভিলেখ গঢ়া হ’ল৷ কেন্দ্রীয় স্বাস্থ্যমন্ত্রী মনসুখ মান্দাভিয়াই টুইটযোগে এই কথা সদৰী কৰি অভিনন্দন ভাৰত বুলি উল্লেখ কৰে৷
ইপিনে, বিশ্ব স্বাস্থ্য সংস্থা দক্ষিণ–পূব এছিয়া মণ্ডলৰ সঞ্চালক ড০ পুনম ক্ষেত্রপাল সিঙে কয়, ভাৰতে ৭৫ কোটি ভেকচিন ড’জ প্রদানেৰে টিকাকৰণক অভাৱনীয় গতি প্রদান কৰিছে৷ বিগত ১৩ দিনৰ ভিতৰত ১০ কোটিতকৈ অধিক ক’ভিড ভেকচিন ড’জ প্রদান কৰি ভাৰতে এই টিকাকৰণ অভিযানক অনন্য মাত্রা প্রদান কৰিছে৷ উল্লেখ্য যে যোৱা ১৬ জানুৱাৰীত ক’ভিড–১৯ টিকাকৰণ অভিযান বয়সৰ জোখাৰে বিভিন্ন পর্যায়ত আৰম্ভ কৰা হৈছে আৰু ই এতিয়া ক্ষিপ্রতৰ গতিত চলি আছে৷