নিয়মীয়া বাৰ্তা, ২৪ অক্টোবৰ: হিমাচলৰ ট্রেভেল ব্ল’গাৰ এগৰাকী মেক্সিকোত ড্রাগছ সৰবৰাহকাৰী চক্রৰ মাজত হোৱা গুলীচালনাৰ ঘটনাত নিহত হৈছে৷ ২৫ বছৰীয়া অঞ্জলি ৰায়ট নামৰ যুৱতীগৰাকীয়ে কেলিফ’র্নিয়াৰ ছান জোছত বাস কৰিছিল৷
উল্লেখনীয় যে অন্য এগৰাকী পর্যটকৰ সৈতে কেৰিবিয়ান ৰিজ’ট টুলুমলৈ গৈছিল অঞ্জলি৷ কেলিফ’র্নিয়াৰ সংবাদ মাধ্যমে সদৰী কৰা অনুসৰি ২২ অক্টোবৰত নিজৰ জন্মদিন পালন কৰিবলৈ অঞ্জলি মেক্সিকোত উপস্থিত হৈছিল৷ তেতিয়াই দুই ড্রাগছ সৰবৰাহকাৰী চক্রৰ মাজত হোৱা গুলীচালনাৰ ঘটনাত অঞ্জলি আৰু জার্মান পর্যটক এগৰাকী নিহত হয়৷ হিমাচলৰ এই ২৫ বছৰীয়া যুৱতীগৰাকীৰ মৃত্যুৰ সংবাদ পৰিয়ালেও সদৰী কৰিছে৷